काठमाडौँ । युद्धविराम लागू भए पछि द्वन्द्वका कारण क्षति भएको बेरुतको  दक्षिणी उपनगरबाट विस्थापित बासिन्दाहरू बुधबार घर फर्केका छन् । लामो समय पछि भएको युद्ध विराम कार्यन्वयनका  लागि धेरैले हिजबुल्लाहको प्रशंसा गर्दै ‘विजय’ उत्सव समेत मनाएका छन् ।

पछिल्लो समयमा इजरायलले दिनहु जसो आक्रमण गर्दा धेरै हदसम्म खाली भएको त्यो आवासीय क्षेत्रमा विस्थापितहरु एकै चोटी फर्किदा भीडभाड भई ट्राफिक जाम समेत  भएको एएफपीले जनाएको छ ।विस्थापितहरु आफ्नो क्षतिग्रस्त घर र व्यवसाय देखेर आँशु बगाउदै उत्खननकर्ताहरूको सहयोगमा भग्नावशेष हटाउनका लागि पर्खिरहेका थिए ।

स्थानीय इन्जिनियर निजाम हमादेले आफ्नो घरतर्फ फर्किँदै हमलामा मृत्यु भएका हिजबुल्लाह नेता सैयद हसन नस्रल्लाहको उपनगरमा फर्किदा उनीहरूलाई धन्यवाद दिँदै फर्किएको एएफपीले जनाएको छ । 
दक्षिण बेरुत उपनगरले मङ्गलबार द्वन्द्वको सबैभन्दा तीव्र रुपको सामना गरेको थियो । युद्धविराम  भएपछि आफूहरु घर फर्किएको उक्त उपनगर निवासी फातिमाले बताउनु भएको छ ।  

बुधबार देखि युद्धविराम  भएपछि इरान समर्थित समूहले दक्षिण बेरुत र पूर्वी लेबनानको गढमा भ्रमणको आयोजना गरिरहेको थियो । गाजा युद्धलाई लिएर हिजबुल्लाहले शुरु गरेको सीमापार हमलाको लगभग एक वर्षपछि, इजरायलले लेबनानमा हिजबुल्लाहको गढ लक्षित आक्रमण बढाई दक्षिणी सीमा पार सेना तैनाथ गरेको थियो । केही बासिन्दा तुरुन्तै युद्ध , जुलुश लगायतमा आफ्ना प्रिय नेताको हत्या भएको स्थान तर्फ लागेको एएपीले जनाएको छ ।

यसै क्रममा हिजबुल्लाहका समर्थकहरूले नस्रल्लाह र हाशेम सफीद्दिनको तस्विर हस्तान्तरण समेत गरिरहेको  एएपीले जनाएको छ ।