पाँचथर । पाँचथरको स्वास्थ्य क्षेत्रमा तुम्बेवा गाउँपालिका उत्कृष्ट  भएको छ । जिल्ला जनस्वास्थ्य कार्यालयको आर्थिक वर्ष २०७९/८० को कार्यसम्पादन मूल्यांकनमा स्वास्थ्य क्षेत्रमा तुम्बेवा उत्कृष्ट ठहरिएको हो ।  

स्वास्थ्य संस्थातर्फ प्रथम स्वास्थ्य चौकी थर्पु याङवरक र उत्कृष्ट खोप कार्यकर्ता याङवरकथर्पुकै नरेश काम्बाङ घोषित भएका छन् ।  खोप कार्यक्रमका विभिन्न सूचकका आधारमा उत्कृष्ट छनौट गरिएको कार्यालयका प्रमुख तेज बहादुर तुम्बापोले जानकारी दिनुभएको छ ।

स्थानीय  तहका स्वास्थ्य संयोजक सहितको जिल्ला खोप समन्वय समितिको बैठकमा नतिजा घोषणा गरिएको हो । कार्यसम्पादन मूल्यांकनमा हिलिहाङ गाउँपालिका दोश्रो भएको छ । उत्कृष्ट स्वास्थ्य संस्थामा क्रमशः दोश्रोदेखि दशस्थानसम्म भारपा, प्राङबुङ, लालिखर्क, यासोक, मौवा, पौवासारताप र खादु्रङ छन् ।  

खोप कार्यकर्ता दोश्रोदेखि दश स्थानसम्म क्रमशः उर्मिला लक्सम, कल्पना नेम्बाङ, यसोदा लिङदेन, रवि प्रसाद आचार्य, लक्ष्मी अधिकारी, बालकृष्ण दाहाल र सिर्जना राई घोषित भएका छन् ।