काठमाडौँँ । पूर्वसभामुख तथा मानवअधिकारवादी नेता दमननाथ ढुंगानाको निधन भएको छ ।

पूर्वसभामुख  ढुंगानाको  फ्रन्टलाइन अस्पतालमा उपचारको क्रममा आइतबार दिउँसो निधन भएको हो । प्रजातन्त्रको लागि पंचायतकालदेखि राजनीतिमा सक्रिय ढुंगाना २०४८ सालमा नेपाली कांग्रेसबाट प्रतिनिधिसभाको सभामुख बन्नुभएको थियो । 

२०४८ देखि २०५१ सालसम्म सभामुख बन्नु भएका ढुंगाना त्यसपछि भने पार्टी राजनीतिमा  निस्क्रिय हुनुभयो । उहाँले त्यसपछि संसदीय संस्थापना खोलेर त्यसमार्फत लोकतन्त्र र मानव अधिकारको पक्षमा वकाल गर्दै आउनु आएको थियो ।

वरिष्ठ अधिवक्ता समेत रहनुभएका पूर्वसभामुख  ढुंगानाले अर्का मानव अधिकारवादी नेता पदमरत्न तुलाधरसँग सहकार्य गरेर तत्कालीन विद्रोही नेकपा माओवादीलाई शान्ति प्रक्रिया र संसदीय राजनीतिमा ल्याउनु भूमिका खेल्नुभएको थियो । 

नेपालको प्रजातान्त्रिक आन्दोलनमा महत्वापूर्व योगदान दिनुभएका उहाँ राजनीतिक आन्दोलनका क्रममा पटक–पटक जेल पनि पर्नुभएको थियो । उहाँका श्रीमति, दुई छोरा र एक छोरी हुनुहुन्छ । ढुङ्गानाको भोलि अन्त्येष्टि गरिने डा रुद्र शर्मा स्वकीय शर्माले जानकारी दिनुभयो ।