काठमाडौँ । दीपक मनाङे भनेर चिनिने पूर्वमन्त्री तथा गण्डकी प्रदेशसभा सदस्य राजीव गुरुङ कारागार (जेल) चलान भएका छन् । ज्यान मार्ने उद्योग मुद्दामा दोषी ठहर भएका पूर्वमन्त्री  मनाङेलाई अदालतको फैसला कार्यान्वयन गर्न डिल्लीबजार कारागार चलान गरिएको हो । 

सर्वोच्च अदालतले मनाङेलाई  कात्तिक २० गते ज्यान मार्ने उद्योगमा दोषी ठहर गर्दै ५ वर्षको जेल सजाय सुनाएको छ। सर्वोच्चका न्यायाधीश डा नहकुल सुवेदी र टेकप्रसाद ढुंगानाको  संयुक्त इजलासले मनाङेलाई यसअघि तत्कालीन पुनरावेदन अदालत (हालको उच्च अदालत) पाटनले गरेको ज्यानमुद्दाको फैसलालाई सदर गर्दै २०६९ सालमा ५ वर्ष कैद सजाय सुनाएको हो । 

सर्वोच्चको फैसलापछि मनाङेलाई पक्राउ गरी जेल चलान गरिएको हो ।  यसअघि २ वर्ष आठ महिना कैद सजाय भोगिसकेकाले उनले अब बाँकी समय कारागारमा बिताउनुपर्ने छ