पर्सा । वीरगञ्ज नाकाबाट चालु आर्थिक वर्षको ३ महिनामा आयात र निर्यात दुवै घटेको पाइएको छ ।

चालु आवको तीन महिनामा  एक खर्ब ४३ अर्ब ९१ करोड ६६ लाख पाँच हजार रुपैयाँ बराबरका मालसामान आयात भएका छन् । गत आवको त्यही अवधिमा भएको आयातमा छ दशमलव ४३ प्रतिशतले कमी भएको भन्सार कार्यालयले जनाएको छ ।

गत आवको त्यही अवधिमा  एक खर्ब ५३ अर्ब ८० करोड ६३ लाख २१ हजार रुपैयाँ बराबरका सामान आयात भएका थिए । प्रमुख भन्सार प्रशासक दीपक लामिछानेका अनुसार चालु आवको ३ महिनामा वर्षाका कारण आयातमा केही कमी आएको हो । ३ महिनामा समग्रमा राजस्व सङ्कलन भने बढेको छ । 

चालु आवको तीन महिनामा वीरगञ्जबाट ७ अर्ब ७६ करोड ३० लाख ५२ हजार रुपैयाँ मूल्य बराबरका उत्पादन विदेश निर्यात भएका छन् । गत आवको त्यही अवधिमा ३ अर्ब ४६ करोड ७४ लाख ३४ हजार मूल्य बराबरका सामान निर्यात भएका थिए ।