काठमाडौँ । समस्याग्रस्त घोषणा भएका विभिन्न १८ वटा सहकारीबाट ऋण लिएका ऋणीलाई ७ लिन त्रि ऋण तिर्न समस्याग्रस्त सहकारी व्यवस्थापन समितिले  ‘अल्टिमेटम’ दिएको छ ।

समस्याग्रस्त सहकारी व्यवस्थापन समितिले आज (बिहीबार) सूचना प्रकाशित गरी ७ दिनभित्र ऋण तिर्न भनेको हो ।

समस्याग्रस्त सहकारी व्यवस्थापन समितिले अन्तिम पटक ऋणी र जमानतकर्तालाई  ऋण तिर्न ७ दिनको समय दिइएको छ । ७ दिनभित्र ऋण चुक्ता नगरे ऋणी र जमानतकर्ताको एकाघर परिवारका सदस्यको सम्पत्ति रोक्का र कालोसूचीमा राख्ने चेतावनी  दिएको छ ।

समस्याग्रस्त घोषित संस्थाका सञ्चालक, व्यवस्थापकहरू, ऋणी सदस्यहरू र कर्मचारीलाई आफ्नो दायित्व भुक्तानीका लागि पटक–पटक राष्ट्रियस्तरको पत्रपत्रिका र एसएमएस मार्फत ३५ दिने सूचना समेत प्रेषित गरेको समितिले जनाएको छ ।

अधिकांश ऋणी सदस्यले सम्पर्क पनि नगरेको र आफूले तिर्न बुझाउनु पर्ने दायित्व समेत तिरे बुझाएको नदेखिएकाले अब सम्पत्ति रोक्का राख्ने, कालोसूचीमा राख्ने र एकाघर परिवारको सम्पत्ति बिक्री गरेर ऋण असुल गर्ने निर्णय भएको समितिले जनाएको छ ।