काठमाडौँ । भियतनामको चिडियाखानामा बर्डफ्लूको कारण ४७ बाघ मरेका छन् । 

दक्षिण भियतनामको चिडियाखानामा ‘एच५एन१’ बर्ड फ्लू भाइरस सङ्क्रमणका कारण ४७ बाघ, ३ वटा सिंह र एउटा प्यान्थर मरेको सरकारी मिडियाले बुधबार जनाएको छ ।आधिकारिक भियतनाम समाचार एजेन्सी (भिएनए) का अनुसार अगस्ट र सेप्टेम्बरमा लङ एन प्रान्तमा रहेको निजी माई क्विन्ह सफारी पार्क र डोङ नाइमा रहेको भुओन जोई चिडियाखानामा जनावरहरु मरेको हो । 

‘नेसनल सेन्टर फर एनिमल हेल्थ डायग्नोसिस”को परीक्षणको नतिजाअनुसार ‘एच५एन१ टाइप–ए भाइरस सङ्क्रमणबाट जनावरहरू मरेको  भिएनएले जनाएको छ । चिडियाखानाले भने यसबारे कुनै पनि टिप्पणी गर्न अस्वीकार गरेका छन् । 

वन्यजन्तु संरक्षणमा केन्द्रित गैरसरकारी संस्था ‘एजुकेशन फर नेचर भियतनाम (इएनभीं) ले सन् २०२३ को अन्त्यमा भियतनाममा  ३ सय ८५ बाघ बन्दी अवस्थामा रहेको बताएको छ । 

सन् २०२२ देखि एच५एन१ सहित इन्फ्लुएन्जा भाइरसका कारण स्तनपायीहरूमा घातक प्रकोप बढ्दै गएको 
विश्व स्वास्थ्य सङ्गठन (डब्लुएचओ) ले जनाएको छ ।

भियतनामले मार्चमा विश्व स्वास्थ्य सङ्गठनलाई त्यही भाइरसबाट मानिसको समेत मृत्यु भएको जानकारी दिएको थियो । एजेन्सी