नेपालकैरन
काठमाडौँ । नेपाल विद्युत प्राधिकरणले डेडिकेटेड फिडर तथा ट्रंक लाइन सम्बन्धी विवादले लाइन काटेका उद्योगहरुमा बिजुली जोडिने भएको छ ।
विद्युत प्राधिकरणको शुक्रवार बिहान बसेको सञ्चालक समिति बैंठकले डेडिकेटेड फिडर तथा ट्रंक लाइनबाट विद्युत् उपभोग गरे वापतको महशुल वक्यौता भएर बिजुली काटेका उद्योगमा लाइन जोडिदिने निर्णय गरेको छ ।
मन्त्रिपरिषद बैठकले उद्योगहरुमा बिजुलीको लाइन तत्कालै जोड्न निर्देशन दिएपछि प्राधिकरण जोडिदिन बाध्य भएको हो । मन्त्रिपरिषद बैठकले डेडिकेटेड फिडर तथा ट्रंक लाइन सम्बन्धी बिजुलीको विवाद छानविन गर्न जाँचबुझ आयोग समेत बनाइसकेको छ । मन्त्रिपरिषदको बैठकको निर्णयसम्बन्धी पत्र बिहीबार ऊर्जा मन्त्रालयबाट प्राप्त भएपछि त्यसबारे छलफल गर्न शुक्रबार प्राधिकरण सञ्चालक समितिको बैठक बसेको हो ।
मन्त्रिपरिषद बैठकले बनाएको जाँचबुझ आयोगबाट प्रतिवेदन पेश भई नेपाल सरकारबाट निर्णय नभइन्जेलसम्मका लागि लाइन काटिएका उद्योगमा बिजुली जोडिदिने निर्णय भएको प्राधिकरण सञ्चालक समितिका एक सदस्यले जानकारी दिनुभएको छ ।
डेडिकेटेड फिडर तथा ट्रंक लाइन सम्बन्धी बिजुलीको बक्यौता नतिरेको भन्दै प्राधिकरणले ६ पुसदेखि उद्योगहरूको लाइन काट्न सशुरु गरेको थियो । त्यसविरूद्ध उद्योग सञ्चालक र मजदूरहरू विरोध प्रदर्शनमा उत्रिएपछि सरकारले त्यसबारे आयोग बनाउन र तत्कालको लागि लाइन जोड्ने निर्णय गरेको हो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी
- एमसीसी नेपालको हितमा छैन : पूर्वप्रधानमन्त्री खनाल
- वीरगञ्जमा हैजा फैलियो, विद्यालय २ दिनलाई बन्द
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति