काठमाडौँ । साता कारोबारको अन्तिम दिन शेयर कारोबार मापक नेप्से परिसूचक ओरालो लागेको छ । नेप्से परिसूचक बिहीबार ३२ दशमलव ८१ अंकले ओरालो लागेर २ हजार ४ सय ८६ दशमलव ७६ मा अडिएको छ । 

आज ठूला कम्पनीको कारोबार मापन गर्ने सेन्सेटिभ परिसूचक ५ दशमलव ३४ अंकले ओरालो लागेर ७ सय ४७ दशमलव ४५ मा सीमित भएको छ । कारोबार भएका १३ उपसमूहमध्ये २ उपसमूहको शेयर मूल्य उकालो लाग्दा ११ उपसमूहको शेयर मूल्य भने ओरालो लागेको छ । कूल एक करोड ३६ लाख ९१ हजार पाँच सय ९६ कित्ता शेयर ,४ अर्ब ८४ करोड १४ लाख ७ हजार ७ सय २० रुपैयाँ मूल्यमा खरिद बिक्री भएको छ । 

नेप्सेका अनुसार विन नेपाल लघुवित्त नौ दशमलव ८५, बोटलर्स नेपाल बालाजु पाँच दशमलव शून्य छ, एसबिएल डिवेञ्चर पाँच दशमलव शून्य पाँच, एनआइसी एसिया डिवेञ्चर चार दशमलव ५६ र एनएमबी डिवेञ्चरका लगानीकर्ताले चार दशमलव शून्य तीन प्रतिशतले कमाएका छन् । 

ग्रीन भेञ्चर्स १०, दोर्दी खोला हाइड्रोपावर ७ दशमलव ६९, अपि पावर कम्पनी ७ दशमलव ४६, थ्री स्टार हाइड्रोपावर ६ दशमलव ७३ र इन्ग्वा हाइड्रोपावरका लगानीकर्ताले ६ दशमलव ६७ प्रतिशतले गुमाएका छन् ।