काठमाडौँ । काठमाडौँ महानगरपालिकाका नगरप्रमुख बालेन शाहले खुद्रा तथा थोक बिक्रेतालाई मूल्य सूची बनाएर पसलको अग्रभागमा सबैले देख्ने गरी राख्न सूचित गर्नुभएको छ । नगरप्रमुख शाहले कुनैपनि समान अङ्कित अधिकतम मूल्यभन्दा बढी मूल्यमा बिक्री वितरण गरेको पाइए कारबाही गर्ने चेतावनी समेत दिनुभएको छ । 


उपभोग गर्ने अवधि बाँकी भएको मालसामान मात्र बिक्री वितरण गर्न, खाद्य, पेय तथा अन्य वस्तुको गुणस्तर, शुद्धता र स्वच्छता कायम गर्न पनि निर्देशन दिनुभएको छ । 

‘अनुगमनका क्रममामाथि उल्लिखित अवस्थाविपरीत कसैले कुनै वस्तु वा सेवा बिक्री वितरण गरेको पाइएमा, उजुरी परेमा वा गुनासो प्राप्त भएमा यस कार्यालयबाट खटिने अनुगमन टोलीका सदस्य वा कार्यालयबाट प्रचलित कानुनबमोजिम कारबाही गरिने व्यहोरा समेत यसै सूचना मार्फत सूचित गरिन्छ । नगरप्रमसख शाहले सामाजिक संजाल मार्फत् भन्नुभएको छ ।