बागलुङ । निसीखोला गाउँपालिकामा चट्याङ लागेर एक जनाको मृत्यु भएको छ । गए राति चट्याङ लागेर  गाउँपालिका ३ किटनीकी २४ वर्षीया रजना बुढाको मृत्यु भएको हो । 

आफ्नै घरभित्र बसिरहेको अवस्थामा चट्याङ पर्दा उहाँको मृत्यु भएको  बागलुङका प्रहरी नायव उपरीक्षक विजय यादवले जानकारी दिनुभएको छ ।  

उहाँका अनुसार स्थानीयले इलाका प्रहरी कार्यालय झिवाखोलामा राति १ बजे खबर गरेका थिए । चट्याङ परेको खबर पाएलगत्तै प्रहरी वरिष्ठ हवल्दार केशव बुढाथोकीको कमाण्डमा दुई जना प्रहरी टोली घटनास्थलमा गएर उद्धार गरेको उहाँको भनाइ छ ।

थप अनुसन्धानका लागि इलाका प्रहरी कार्यालय बुर्तिबाङबाट प्रहरी निरीक्षक आनन्द बस्नेतको कमाण्डमा सात जनाको प्रहरी टोली खटिएको उहाँले जानकारी दिनुभयो । बुढाको शव परीक्षणका लागि बुर्तिबाङ प्राथमिक स्वास्थ्य केन्द्रमा ल्याउने तयारी भइरहेको छ । 

चट्याङका कारण बुढाको घर र विद्युतीय सामग्रीमा क्षति पुगेको छ । बुढाकी सासू र दुई वर्षीया छोरी भने सकुशल रहेको जनाइएको छ ।