काठमाडौं । राष्ट्रिय स्वतन्त्र पार्टीका सभापति रवि लामिछानेले दुई तिहाइ बहुमतको वर्तमान सरकार ‘टिसर्ट लगाएको मान्छे’संग थरथर काँप्दै हिडेकोमा आश्चार्य व्यक्त गर्नुभएको छ । दुई तिहाइको बर्तमान सरकार टिसर्ट लगाएको मान्छे समाउन वा नारा लगाएको मान्छे खोज्न व्यस्त रहेको भन्दै उहाँले  सरकारको धरातल प्रति कटाक्ष गर्नुभएको छ । 

मंगलबार इन्द्रजात्राको अवसरमा बसन्तपुर क्षेत्रमा काठमाडौँ महानगरपालिकाका मेयर बालेन शाहको फोटो अंकित टिसर्ट लगाएर युवाहरुलाई सरकारले तीनघण्टा नियन्त्रणमा लिएको थियो । 

सभापति लामिछानेले कांग्रेस र एमाले मिलेर बनेको अहिलेको सरकारमा आत्मविश्वास नदेखिएको पनि बताउनुभएको छ । प्रधानमन्त्री र मन्त्रीहरुको व्यवहारमा आत्मविश्वास नदेखिएन नै नागरिकको अभिब्यति स्वतन्त्रतामा अंकुश लगाउन तल्लिन रहेको आरोप लगाउनुभएको छ । 

‘दुई तिहाइको सरकार भएको बेला जनताको आत्मबल बढ्नुपर्ने हो । प्रधानमन्त्रीमा त्यो आत्मविश्वास आउनुपर्ने थियो । मन्त्रीहरुमा पनि त्यो खालको आत्मविश्वास हुनुपर्ने थियो। ’, उहाँले भभन्नुभयो, ‘मुलुकमा सुशासन कायम गर्नुको सट्टा उपसभामुखलाई हटाउने ध्यानमा केन्द्रित, यो दुई तिहाईको सरकार त्यतातिर छ ।’

उहाँले सरकार बलियो छ भनिए पनि यसको धरातल कमजोर रहेको भन्दै उनले नेपाली कांग्रेसका सभापति शेरबहादुर देउवा रिसाएको एक सेकेण्डमै सरकार ढल्ने ठोकुवा गर्नुभयो । 

‘संसदमा अहिले शेरबहादुर देउवा रिसाएको एक सेकेण्डपछि सरकार ढल्यो । अस्थिरता छ । अहिले दुई तिहाइको सरकार सबैभन्दा अस्थिर छ । एउटा पार्टीले अर्को दलको नेतासँग समन्वय नगरी सरकार चलाउन सम्भव छैन’, उहाँले भन्नुभयो