काठमाडौँ । राष्ट्रिय स्वतन्त्र पार्टी (रास्वपा) ले स्थानीय तहको संख्या घटाउनु पर्ने प्रस्ताव ल्याएको छ । 

रास्वपाको असोज १ र २ गते काठमाडौँमा भएको राष्ट्रिय भेलामा स्थानीय तहको संख्या ७ सय ५३ बाट घटाएर ५ सय भन्दा कम बनाउनु पर्ने प्रस्ताव ल्याइएको हो । संसदको ठूला दल नेपाली कांग्रेस र नकपा एमालेको संयुक्त सरकार बनेसँगै संविधान संशोधनको प्रसङ्ग चलिरहेको बेला भेलामा रास्वपाका सभापति रवि लामिछानेले संविधान संशोधनबारे पार्टीको धारणा प्रस्तुत गर्दै  स्थानीय तहको संख्या घटाउनु पर्ने प्रस्ताव ल्याउनु भएको हो । 

रास्वपाले स्वतन्त्र, गैरदलीय राष्ट्रपति र राष्ट्रियसभाको अध्यक्ष नै उपराष्ट्रपति हुने प्रस्ताव राखेको।  रास्वपाले पार्टी स्थापनादेखि नै प्रत्यक्ष निर्वाचित प्रधानमन्त्री र योग्य र विषय विज्ञहरुबाट मन्त्री बनाउने राख्दै आएको छ । भेलाले यी प्रस्तावलाई यथावत् राखेको छ । 

सभापति लामिछानेले भेलामा प्रस्तुत गर्नु भएको २० पृष्टको प्रतिवेदनमा पूर्ण समानुपातिक निर्वाचनको पक्षमा उभिने र राष्ट्रियसभालाई गैरदलीय विद्धान सभा बनाउने प्रस्ताव गरिएको छ । रास्वपाको यो प्रस्ताव नेकपा माओवादी केन्द्रसँग पनि मिल्दोजुल्दो छ । 

माओवादी केन्द्र संघीय जोगाउन मरिमेटेर लागेको छ तर रास्वपाले भने प्रदेशसभा खारेज गर्दै स्थानीय तहका प्रमुखहरु रहेको विधायिकाबाट कानुन बनाउने प्रस्तावमाथि छलफल शुरु योजना ल्याएको छ । प्रदेशमा प्रत्यक्ष निर्वाचित मुख्यमन्त्री र ५ वटा मन्त्रालय राख्ने रास्वपाको प्रस्ताव छ । प्रदेशसभा खारेज गरेर मुख्यमन्त्री बनाउने भन्ने रास्वपाको प्रस्ताव अलि अमिल्दो देखिएको छ । 

रास्वपाले पार्टीको पहिलो महाधिवेशन आगामी वैशाखको चौथो साता गर्ने निर्णय समेत गरिेएको छ ।