काठमाडौँ । रुसी सेनामा कार्यरत भारतीयलाई फिर्ता गर्न छलफल भएको छ ।

रुसी राष्ट्रपति भ्लादिमिर पुटिनसँगको कुराकानीमा प्रधानमन्त्री नरेन्द्र मोदीले यो मुद्दा उठाउनु भएको हो ।  प्रधानमन्त्री मोदीले सोमबार मस्कोस्थित राष्ट्रपति निवासमा रुसी राष्ट्रपति भ्लादिमिर पुटिनसँग भेटवार्तामा यस्तो छलफल भएको हो । 

सामाजिक सञ्जाल एक्सको पोस्टमा मोदीले मङ्गलबार साँझ नोभो–ओगेरियोभोमा स्वागत गरेकोमा राष्ट्रपति पुटिनप्रति कृतज्ञता व्यक्त गर्दै भोलिपल्ट पनि वार्ताको प्रतिक्षामा रहेको र वार्ताले भारत र रुस बिचको मित्रतालाई अझ बलियो बनाउन सहयोग गर्ने जनाउनु भएको थियो ।

रुसी सेनाका लागि काम गर्ने भारतीयको मुद्दा विपक्षीले उठाएका थिए र कांग्रसले यस विषयमा सरकारको स्थिति माथि प्रश्न उठाएको थियो ।

कांग्रेस राज्यसभा सांसद जयराम रमेशले प्रधानमन्त्रीलाई प्रश्नको श्रृङ्खलामाा मुद्दा उठाउँदै मस्कोस्थित भारतीय दूतावासको तथ्याङ्क अनुसार कम्तीमा ५०जना भारतीय नागरिक रुसी सेनामा सामेल भएको  जनाउनु भएको थियो । ती मध्ये कम्तीमा दुई जना व्यक्ति युद्धमा मारिएको पुष्टि भइसकेको छ । 

यसैबीच दुई नेताले युक्रेनको अवस्थाबारे पनि छलफल भएको तथा  थप विस्तृत छलफल आज पछि हुने स्रोतले जनाएको छ ।  सरकारी स्रोतका अनुसार युक्रेन द्वन्द्वको समाधान युद्धभूमिमा पाउन नसकिने भारतको धारणा छ । यो विश्वव्यापी दृष्टिकोण पनि हो र स्वाभाविक रूपमा संवाद र कूटनीति मार्फत द्वन्द्वको समाधानका लागि दुवै पक्षहरू हुनु आवश्यक छ ।

प्रधानमन्त्री मोदीले मङ्गलबार सैनिकको चिहानमा पुष्पचक्र अर्पण गर्ने तथा रोसाटम मण्डपको भ्रमण गर्ने कार्यक्रम तय भएको छ । 

यसअघि सोमबार प्रधानमन्त्री मोदी २२ औँ भारत–रुस वार्षिक शिखर सम्मेलनमा भाग लिन रुसी राष्ट्रपति पुटिनको निमन्त्रणामा दुई दिने आधिकारिक भ्रमणका लागि मस्को पुग्न भएको हो ।  रुसका प्रथम उपप्रधानमन्त्री डेनिस मन्टुरोभले प्रधानमन्त्री मोदीलाई भ्नुकोवो–२ विमानस्थलमा स्वागत गर्नु जहाँ प्रधानमन्त्री मोदीलाई औपचारिक स्वागत गरिएको थियो ।