काठमाडौँ ।  ई-स्पोर्टस सङ्घ नेपालको आयोजनामा सम्पन्न प्रथम राष्ट्रिय ई-स्पोर्ट्स च्याम्पियनसिपका पदक विजेतालाई आज पुरस्कृत गरिएको छ । 

राष्ट्रिय खेलकुद परिषद् (राखेप) का सदस्य सचिव टङ्कलाल घिसिङले आज आयोजित एक कार्यक्रममा  मोबाइल लिजेन्ड र ई(फुटबलका पदक विजेता खेलाडीलाई नगदसहित पुरस्कार प्रदान गर्नुभयो ।  प्रतियोगिता सुर्खेतमा असार १४ र १५ गते भएको थियो ।

प्रतियोगितामा मोबाइल लिजेन्डमा शीर्ष आठ स्थान हासिल गर्ने क्रमशः हाई भोल्टेजले ६० हजार, कोड रेडले  ४० हजार, सिक्सटी नाइन गेमिङले  ३० हजार, वीरे नुनले  २० हजार, मिडनाइट ह्याभक र हेल्लो किटिसले समान  १५र१५ हजार प्राप्त गरे । मिडनाइट ह्याभक  २० हजार र गुड नाइटले समान  १०(१० हजार रुपैयाँ  पुरस्कार पाए ।

ई फुटबलमा पहिलो भएका गौरव पुडासैनीले ४० हजार, दोस्रो भएका सन्देश ओझाले  ३० हजार, तेस्रो भएका रोशन शर्माले  २० हजार तथा चौथो भएका निखिल हमालले  १० हजार रुपैयाँ पुरस्कार प्राप्त गरे । 

कार्यक्रममा सदस्य सचिव घिसिङले ई स्पोर्टस सङ्घलाई जिम्मेवारी दिएको छोटो समयमा प्रतियोगिता आयोजना गर्न सफल भएकामा बधाई दिँदै ई(स्पोर्टसलाई अझ व्यवस्थित ढङ्गले अगाडि बढाएर देशको प्रतिष्ठा अभिवृद्धि गर्ने माध्यम बनाउनुपर्नेमा जोड दिनुभयो । 

सदस्य सचिव घिसिङले ई(स्पोर्टस समाजको विकास चरणले मागेको खेल भएको बताउँदै आजको पुस्ता कुन खेलतर्फ आकर्षित छ भन्ने कुरालाई दृष्टिगत गरी त्यही अनुरुप सरकारले लगानी बढाउनुपर्ने आवश्यकता औँल्याउनुभयो । 

राखेपका सदस्यसमेत रहनुभएका ई(स्पोर्टसका अध्यक्ष अञ्जन धमलाले ठूलो चुनौतीका बीच सफलतापूर्वक प्रतियोगिता सम्पन्न गर्न सहयोग गरेकामा राखेपलाई धन्यवाद दिँदै वार्षिक पात्रो नै तयारी गरी सङ्घ अगाडि बढ्ने प्रतिबद्धता व्यक्त गर्नुभयो ।