काठमाडौँ । साता कारोबारको दोस्रो दिन सोमबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । 

नेप्से ३ दशमलव २१ अंकले बढेर २ हजार ६६ दशमलव १६ को विन्दुमा कायम भएको छ । आज ३ सय २२ कम्पनीको १ करोड ७ लाख  ७ हजार ८ सय ७८ कित्ता शेयर ६६ हजार ५ सय १९ पटक खरिदबिक्री हुँदा ५ अर्ब ७ करोड ७२ लाख ५५ हजार १ सय १६ रुपैयाँ बराबरको कारोबार भएको हो ।

आजको कारोबारमा विकास बैंक एक दशमलव ५६, वित्त दुई दशमलव ११, जलविद्युत् शून्य दशमलव १९, लघुवित्त १  दशमलव ३६ र म्युचुअल फन्ड शून्य दशमलव ५१ प्रतिशतले बढेको छ ।  अरु सबै समूहको उपसूचक घटेको छ । बैंकिङ शून्य दशमलव २९, होटल तथा पर्यटन शून्य दशमलव २१, लगानी शून्य दशमलव २५, जीवनबीमा शून्य दशमलव १८, उत्पादन तथा प्रशोधन शून्य दशमलव २२, निर्जीवन शून्य दशमलव ०९ र व्यापार समूह शून्य दशमलव ४३ प्रतिशतले घटेको छ ।

नेपाल फाइनान्स लिमिटेड र गणपति लघुवित्त वित्तीय संस्था लिमिटेडको शेयर मूल्यमा सकारात्मक सर्किट लागेको छ । सबैभन्दा धेरै घट्नेमा भने बुद्धभूमि नेपाल हाइड्रोपावर कम्पनी लिमिटेडको शेयर मूल्य ७ दशमलव १ प्रतिशतले घटेको छ ।

कारोबार रकम र कारोबार भएका शेयर सङ्ख्याका आधारमा आज सबैभन्दा धेरै मेरो माईक्रोफाइनान्स वित्तीय संस्था लिमिटेडको  २४ करोड ३२ लाख १८ हजार ४ सय ९५ रुपैयाँ बराबरको ३ लाख ६४ हजार ६ सय ९५ कित्ता शेयर किनबेच भएको छ ।