काठमाडौँ । यो साता कारोबारको पहिलो दिन नेपाल स्टक एक्सचेञ्ज (नेप्से) परिसूचकमा सामान्य अंकले कमी आएको छ । नेप्से परिसूचक आइतबार ५ दशमलव ३७ अंकले घटेर २ हजार ६२ दशमलव ९४ को बिन्दुमा कायम भएको  छ ।

आज ३ सय १७ कम्पनीको ९५ लाख ६१ हजार सात सय २७ कित्ता शेयर, ६१ हजार ५ सय १३ पटक खरिद बिक्री हुँदा ४ अर्ब ३७ करोड ४५ लाख ९७ हजार ४ सय ५८ रुपैयाँ बराबरको कारोबार भएको छ । आज वित्त समूह ५ दशमलव ४९ र अन्य समूह शून्य दशमलव २५ प्रतिशतले बढेको छ । अरु सबै समूहको उपसूचक घटेको छ । सबैभन्दा धेरै लघुवित्त समूह १ दशमलव २३ र होटल तथा पर्यटन समूह एक दशमलव १० प्रतिशतले घटेको छ ।

रिलायन्स फाइनान्स लिमिटेड, गणपति लघुवित्त वित्तीय संस्था लिमिटेड, साधना लघुवित्त वित्तीय संस्था लिमिटेड, मैलुङ खोला जलविद्युत् कम्पनी लिमिटेड र नेपाल फाइनान्स लिमिटेडको शेयर मूल्यमा सकारात्मक सर्किट लागेको छ । सबैभन्दा धेरै गुमाउनेमा ग्लोबल आईएमई लघुवित्त वित्तीय संस्था लिमिटेडको शेयर मूल्य ६ दशमलव ५८ र सनराईज ब्लुचिप फन्डको शेयर मूल्य ५ दशमलव २४ प्रतिशतले घटेको छ ।

कारोबार रकमका आधारमा आज सबैभन्दा धेरै पोखरा फाइनान्स लिमिटेडको  १७ करोड १३ लाख ५२ हजार ३ सय ९१ रुपैयाँ बराबरको कारोबार भएको छ । कारोबार भएका शेयर सङ्ख्याका आधारमा आज सबैभन्दा धेरै रिलायन्स फाइनान्स लिमिटेडको ३ लाख ९ हजार ४ सय ४३ कित्ता शेयर किनबेच भएको छ ।