काठमाडौँ । यमनमा डुङ्गा डुब्दा कम्तीमा ३९ आप्रवासीको मृत्यु भएको छ । यमनमा दुई सय भन्दा बढी आप्रवासी बोकेको डुङ्गा डुब्दा अफ्रिकाबाट आप्रवासन मार्गमा प्रकोपमा परेका कम्तीमा ३९ जनाको मृत्यु भएको संयुक्त राष्ट्रसङ्घीयको एजेन्सीले जनाएको छ ।

यमन तटमा भएको दुखद घटनामा सोमबार दुई ६० आप्रवासी बोकेको डुङ्गा डुब्दा ३९ जनाको मृत्यु हुनुका साथै एक सय ५० बेपत्ता भएका छन् । ७१ जनाको उद्धार गगरिएको  आप्रवासनका लागि अन्तर्राष्ट्रिय सङ्गठनले सोमबारको डुबानलाई उल्लेख गर्दै एक्समा सार्वननिक गरेको छ । 

प्रत्येक वर्ष हर्न अफ अफ्रिकाबाट हजारौँ आप्रवासी द्वन्द्व, प्राकृतिक प्रकोप वा कमजोर आर्थिक सम्भावनाबाट बच्न तेल–धनी खाडीमा पुग्न लाल सागर पार गर्न निस्कन्छन् । अप्रिलमा, दुई डुङ्गा जिबूतीको तटमा दुई साताको अन्तरमा डुबेका थिए, जसमा दर्जनौँको मृत्यु भएको थियो । आइओएमले यस वर्ष समावेश नगरी सन् २०१४ देखि आप्रवासन मार्गमा कुल एक हजार तीन सय ५०जनाको मृत्यु भएको जनाएको छ । 

सन् २०२३ मा मात्रै, यसले समुद्रमा हराएको एक सय पाँचसहित मार्गमा कम्तीमा ६ सय ९८ जनाको मृत्यु भएको बताएको छ ।आइओएमले मङ्गलबार जिवितलाई तत्काल सहायता प्रदान गरिरहेको बताएको छ ।

यमनमा सफलतापूर्वक पुग्ने आप्रवासीले प्रायः आफ्नो सुरक्षाका लागि थप खतराको सामना गर्छन् । अरब प्रायद्वीपको सबैभन्दा गरिब देश एक दशकदेखि गृहयुद्धमा फसेको छ । धेरैले साउदी अरब र अन्य खाडी अरब देशमा पुग्ने प्रयास गरिरहेका छन् जहाँ उनीहरू मजदूर वा घरेलु कामदारको रूपमा काम गर्छन । 

अगस्टमा ह्युमन राइट्स वाचले साउदी सीमा रक्षकलाई मार्च २०२२ र जुन २०२३ को बिचमा यमनबाट खाडी राज्यमा प्रवेश गर्न खोज्ने ‘कम्तीमा सयौं’ इथियोपियालीको हत्या गरेको आरोप लगाएको थियो । रियादले समूहको निष्कर्षलाई निराधार र भरपर्दो स्रोतमा आधारित नभएको भन्दै खारेज गरेको थियो ।