काठमाडौँ । अमेरिकाको मेम्फिस ब्लक पार्टीमा गोली चल्दा २ जनाको मृत्यु भएको छ । अमेरिकी शहर मेम्फिसिमा शनिबार एउटा ब्लक पार्टीमा गोली चल्दा २ जनाको मृत्यु र ६ जना घाइते भएको स्थानीय प्रहरीले बताएको छ । 

घटनास्थलमा २ जना मृत फेला परेको र घाइते  ६ मध्ये एक जनाको अवस्था क्षेत्रीय अस्पतालमा ‘चिन्ताजनक’ रहेको मेम्फिस प्रहरी विभागले सामाजिक सञ्जाज एक्समा उल्लेख गरेको छ । यसअघि विभागले एक्समा दक्षिणी राज्य टेनेसीमा अरेन्ट माउन्ड पार्क नजिक करिब दुई सयदेखि तीन सय मानिस भएको अनधिकृत ब्लक पार्टीमा गोली चलेको बताएको थियो । 

अमेरिकामा बन्दुक हिंसा सामान्य छ । यहाँ मान्छेभन्दा धेरै बन्दुक छ । बन्दुकको अधिकारमाथि रोक लगाउने प्रयासले सधैँ कडा राजनीतिक प्रतिरोधको सामना गर्नुपरेको छ । 

सामूहिक गोलीबारीलाई चार वा त्योभन्दा धेरै मानिस घाइते भएको वा मारिएको भनी परिभाषित गर्ने गैरसरकारी सङ्गठन गन भायलेन्स आर्काइभका अनुसार यस वर्ष अमेरिकामा १  सय २०  सामूहिक गोलीबारी रेकर्ड गरिएका छन् । गत वर्ष कूल ६ सय ५६ यस्ता गोलीबारी भएका थिए ।