काठमाडौँ ।  रूसले युक्रेनी बिस्फोटक पदार्थ जफत गरिएको दावी गरेको छ । 

रूसको सङ्घीय सुरक्षा बल (एफएसबी) ले मङ्गलबार युक्रेनबाट पठाइएको र युरोपेली सङ्घ (इयु) हुँदै मूर्तिमा लुकाएर ल्याइएको भारी मात्राको बिस्फोटक पदार्थ जफत गरेको बताएको हो ।

लाटभियन सीमा नजिकैको उत्तरपश्चिमी पेस्कोभ क्षेत्रमा सामानको जाँचपछि बिस्पोटक पदार्थ जफत गरिएको एफएसबीले एक विज्ञप्तिमा उल्लेख गरेको छ ।  एफएसबीका अनुसार ‘युरोपेली सङ्घ हुँदै युक्रेनबाट विस्फोटक पदार्थको सीमापार यातायात मार्ग भएको भन्दै कार्गो रोमानिया, हङ्गेरी, स्लोभाकिया, पोल्याण्ड, लिथुआनिया र लाटविया हुँदै गएको’ थियो ।

जफत गरिएको बिस्पोटक पदार्थमध्ये कार्गोमा ७० किलो घरेलु बिस्फोटक र बिस्फोटक उपकरण ‘मूर्ति’मा लुकेको र प्रयोगका लागि तयारी अवस्थामा थिए । यस कार्यमा संलग्न एक व्यक्तिलाई पक्राउ गरिएको जनाउँदै विदेशीसहित सबै संलग्नलाई पत्ता लगाई रूसमा कानुनी कार्यवाही गरिने स्रोतले जनाएको छ ।