काठमाडौँ । सरकार र लघुवित्त पीडितहरूबीच वार्ता शुरु भएको छ । सिंहदरबारस्थित अर्थ मन्त्रालयमा सरकार र लघुवित्त पीडितका प्रतिनिधिबीच वार्ता शुरु भएको हो । सरकारी वार्ताटोलीको नेत्रृत्व अर्थ मन्त्रालयका सहसचिव नारायणप्रसाद रिसालले गर्नुभएको छ भने लघुवित्त पीडितका तर्फबाट मणिराम ज्ञवालीले नेतृत्व गर्नुभएको छ ।  

यसअघि, अर्थ मन्त्रालयले आन्दोलनरत लघुवित्त पीडित सङ्घर्ष समितिलाई बुधबार वार्तामा आउन आह्वान गरेको थियो । सरकारी वर्ता समितिमा गृहमन्त्रालयका सहसचिव नारायणप्रसाद भट्टराई, कानून मन्त्रालयका उपसचिव झइन्द्र गुरागाईं र नेपाल राष्ट्र बैंकका प्रतिनिधि छन् । 

मन्त्रालयले यसअघि नै समस्याको टङ्गो नलाग्दासम्म लघुवित्तका ऋणिलाई घरघरमा गएर गैरकानुनी रुपमा बलजफती नगर्न लघुवित्त सञ्चालकलाई निर्देशन दिएको थियो । मन्त्रालयले प्रचलित कानुन तथा नेपाल राष्ट्र बैंकबाट दिइएको नीति निर्देशनविपरीत कार्य गर्ने लघुवित्त वित्तिय संस्थामाथि छानबिन गरी कारबाहीको दायरामा ल्याउन सम्बद्ध निकायलाई आग्रह गरिसकेको छ ।

सम्बन्धित समाचार...

लघुवित्त सङ्घर्ष समितिलाई वार्तामा आउन आह्वान