काठमाडौँ । उखु किसानका समस्या समाधन गर्ने उदेश्यले गरिएको सरकारसँगको वार्ता  निष्कर्षविहीन भएको छ ।

सरकार र उखु किसानबीच शुक्रबार सिंहदरबारमा भएको वार्तामा  निष्कर्षविहीन रुपमा टुंगिएको हो ।  शुक्रबारको वार्तामा कुनै सहमति हुन नसकेको उखु किसान संघर्ष समितिका प्रवक्ता उमेशचन्द्र यादवले जानकारी दिनुभएको छ ।

वार्तामा कृषिमन्त्री रामनाथ अधिकारीले केही दिन आन्दोलनका कार्यक्रम रोक्न आग्रह गर्नुभएको थियो । संघर्ष समितिले आन्दोलन नरोकिने तर आन्दोलनको स्वरुप परिवर्तन गर्न सक्ने जवाफ दिएको थियो ।
वार्तामा उखु किसान पक्षले आफूहरुले प्रतिक्विन्टल ७० रुपैयाँ अनुदान दिनुपर्ने माग राखेका छन् । 

कृषि मन्त्रालयको बार्षिक बजेटमा नै २ अर्व रुपैयाँ उखु किसान अनुदान दिने भनेर छुट्टाउदा अर्थ मन्त्रालयले बजेट रोकेको उहाँले आरोप लगाएका छन्। प्रवक्ता यादवले शनिबार ११ बजे माइततीघरमा पत्रकार सम्मेलन गरि आन्दोलनको आगामी स्वरुपबारे जानकारी दिने उल्लेख गरेका छन् ।

उखु किसानको ७५ करोड निकासा गरिसकेको अवस्थामा दशैँ अघि नै अर्को ७५ करोड निकासा गर्नुपर्ने बटमलाइन रहेको बताउनुभयो।