काठमाडौँ । पूर्वउपप्रधनमन्त्री वामदेव गौतममा नेकपा एकीकृत समाजवादीमा पसेपछि राजनीतिक उत्साह जागेको छ । 

विभिन्न पटक गृहमन्त्री बनिसक्नुभएका गौतम विगतमा नेकपा एमाले छँदा पनि निकै सशक्त, प्रधावशाली र उत्साहित नेताको रुपमा चिनिनुहुन्थ्यो । तर नेकपा विभाजनसगै आफ्नो माउ पार्टी एमाले पनि फुटेपछि भने गौतम लामो समय खिन्न अवस्थामा रहनुभयो ।  राष्ट्रियसभा सदस्य समेत रहनुभएका गौतमले नेकपा विभाजनसगै एमालेबाट तितरबितर भएकाहरुलाई पुन एकीकरण गर्ने उद्घोषका साथ केही वर्ष एकता अभियान समेत संचालन गर्नुभयो । तर त्यसबाट राजनीति पार नलाग्ने देखेपछि एकीकृत समाजवादीमा पस्नुभएको हो । समाजवादीमा आउनुअघि गौतम पुन एमालेमै फर्किएर सक्रिय हुन चाहनु भएको थियो । तर विभिन्न पटकको भेटवार्ता तथा संवाद गर्दा समेत प्रधानमन्त्री केपी शर्मा ओलीले एमालेमा फर्काउन नचाहेपछि बाध्य भएर समाजवादीमा पस्नुभएको हो एकीकृत समाजवादीले गौतमलाई तेस्रो तेस्रो वरीयतामा राखेर वरिष्ठ नेता बनाएको छ । एकीकृत समाजवादीले वरिष्ठ नेता बनाएपछि गौतम अहिले पार्टीमा जोश र जाँगरका साथ सक्रिय हुनुभएको छ । 

पूर्वउपप्रधनमन्त्री गौतममा संगठन विस्तारको लागि काठमाडौ उपत्यका बाहिर विभिन्न ठाउँमा समेत खट्न थाल्नुभएको छ । त्यही क्रममा वरिष्ठ नेता गौतम शनिबार धनगढी जाँदै हुनुहुन्छ । वरिष्ठ नेता गौतम जिल्ला कमिटी कैलालीको निमन्त्रणामा त्यसतर्फ जान लाग्नुभएको हो । गौतमले १४ गते धनगढीमा जिल्ला कमिटीको बैठकमा सम्बोधन कार्यक्रम रहेको छ । समाजवादीमा प्रवेश गरेपछि गौतम पहिलो पटक उपत्यका बाहिर जिल्लाको कार्यक्रमलाई सम्बोधन गर्न लाग्नुभएको हो ।  गौतमलाई राजनीतिमा  कडा मिजासको नेताको रुपमा लिइन्छ ।  गौतमले आउने निर्वाचनसम्म एकीकृत समाजवादीको संगठित सदस्यता २० लाख पुर्याउने उद्घोष समेत गर्नुभएको छ । गौतमले त्यसको लागि एकीकृत समाजवादीमा संगठन विभाग प्रमुखको जिम्मेवारी माग्नुभएको छ ।  तर समाजवादीमा संगठन विभाग प्रमुखको जिम्मेवारी अहिले डा वेदुराम भुसालले समालिरहनुभएको छ

समाजवादीले अर्का उपप्रधानमन्त्री डा भीम रावललाई समेत पार्टीमा भित्र्याएर संगठन विभाग प्रमुख बनाउने योजना बनाएको छ । समाजवादी नेतृत्वले त्यसको लागि अहिले पूर्वगृहमन्त्री रावलसँग विभिन्न माध्यमबाट संवाद गरिरहेको छ । समाजवादीले गौतमलाई भने अनुशासन विभागको जिम्मेवारी दिने योजना बनाएको छ । लोकतान्त्रिक व्यवस्थामा नेता तथा कार्यकर्तालाई पार्टी अनुशासनको दायरामा राख्नु अत्यन्तै जटिल कार्य हो । त्यो कार्य पार्टीभित्र अनुशासन विभागले गर्छ । त्यही कारण अनुशासनलाई पार्टीमा लौरो विभाग समेत भन्ने गरिएको छ । 

एकीकृत समाजवादीमा पछिल्लो समय नेता तथा कार्यकर्ताहरु संगठनको हित विपरीत नेतृत्वविरुद्ध विभिन्न टिकाटिप्पणी गर्दै आएका छन् । त्यसलाई नियन्त्रण गर्न समाजवादीले गौतमलाई लौरोको जिम्मेवारी दिन लागेको हो ।