काठमाडौँ । उपप्रधानमन्त्री एवं परराष्ट्रमन्त्री नारायणकाजी श्रेष्ठसँग तीन राष्ट्रका राजदूतले भेटवार्ता गर्नुभएको छ । परराष्ट्रमन्त्री श्रेष्ठसँग नेपालका लागि नर्वेका राजदूत, पाकिस्तानी राजदूत र अरबका राजदूतले बिहीबार मन्त्रालयमा  छुट्टाछुट्टै भेटवार्ता गर्नुभएको हो । 

परराष्ट्रमन्त्री श्रेष्ठसँग नर्वेका राजदूत टोरुन ड्रम्डलले शिष्टाचार भेटवार्ता गर्नुभएको छ । भेटवार्तामा उहाँहरुबीच द्विपक्षीय सम्बन्धलाई सुदृढ बनाउने तथा आपसी द्विपक्षीय हितका विविध विषयमा विचारविमर्श भएको मन्त्रालयका प्रवक्ता अमृतबहादुर राईले जानकारी दिनुभएको छ । भेटवार्तामा उपप्रधानमन्त्री श्रेष्ठले नर्वेले गर्ने सहयोग अभिवृद्धिका सन्दर्भमा समेत कुराकानी गर्नुभएको छ । 

यसैगरी आजै उपप्रधानमन्त्री श्रेष्ठसँग नेपालका लागि पाकिस्तानी राजदूत अब्रर एच हस्मी र नेपालका लागि साउदी अरबका राजदूत साद अबुहैमेदले समेत शिष्टाचार भेटवार्ता गर्नुभएको छ । त्यस अवसरमा राजदूतद्वयले उपप्रधानमन्त्री श्रेष्ठलाई बधाई तथा सफल कार्यकालको शुभकामना दिनुभएको थियो ।