काठमाडौँ । कोभिड–१९ सङ्कटको समयमा गरिएका गल्ती नदोहोर्‍याई भविष्यका महामारीलाई सम्बोधन गर्ने एतिहासिक सम्झौतामा विश्व स्वास्थ्य सङ्गठन (डब्ल्यूएचओ) सदस्य मुलुक सहमत भएका छन् ।

सङ्गठनको मुख्यालयमा ३ वर्षदेखि चलिरहेको वार्ता प्रतिनिधिहरूले बुधवार सम्झौता प्रमाणित गरेसँगै समाप्त भएको छ । ‘यो ‘सुरक्षित संसारतर्फको साझा यात्रा’को महत्वपूर्ण कोसेढुङ्गा हो’ डब्लुएचओका प्रमुख टेड्रोस एड्हानोम गेब्रेयससले बताउनुभयो ।

कोभिड–१९ ले लाखौँं मानिसहरूको ज्यान लिनुका साथै अर्थतन्त्रलाई ध्वस्त पारेको पाँच वर्षपछि, एच–५एन–१, बर्ड फ्लूदेखि एमपोक्स र इबोलासम्मका नयाँ स्वास्थ्य खतरा  लगायतका विषय वार्तामा समावेश थिए ।  सम्झौताको मूल  उद्देश्य औषधि कम्पनीसँग रोगको द्रुत साझेदारीलाई अनुमति दिने महामारीसँग लड्न सक्षम पार्नु हो ।

सम्झौताको मस्यौदामा विश्वका देशहरूले भविष्यको महामारीको खतरा  रोक्न र सुरक्षा गर्न आफ्नो साझा प्रतिबद्धता गरेका छन् । एजेन्सी