काठमाडौँ । मुलुकको प्रशासनिक नेतृत्व  पहिलो पटक महिलाको हातमा पुगेको छ । 

सरकारले लिलादेवी गड्तौलालाई कायम मुकायम मुख्यसचिवको जिम्मेवारी दिएको छ ।  मुख्यसचिव डा बैकुष्ठ अर्याल अनियमितता प्रकरणमा निम्बित भएपछि त्यसको निमित्त जिम्मेवारी समाल्दै आउनु भएकी गड्तौलालाई सरकारले आजदेखि कायम मुकायम मुख्यसचिवको जिम्मेवारी दिएको हो  । 

सोमबार बसेको केपी ओली नेतृत्वको पहिलो मन्त्रिपरिषद् बैठकले हाल निमित्त मुख्यसचिव गड्तौलालाई कायममुकायम मुख्यसचिव बनाउने निर्णय गरेको हो ।

अख्तियार दुरुपयोग अनुसन्धान आयोगबाट विशेष अदालतमा भ्रष्टाचारको मुद्दा दायर भएपछि निलम्बित मुख्यसचिव डा अर्याललाई गत १० असारमा राष्ट्रिय योजना आयोगमा राजपत्रांकित विशिष्ट श्रेणीको मुख्यसचिव सरहको विशेष पद सिर्जना गरी  त्यो  पदमा सरुवा गर्ने निर्णय भएको थियो । त्यसपछि प्रधानमन्त्री कार्यालयमा कानुन मामिला हेर्ने सचिव गड्तौलाले वरिष्ठताका आधारमा स्वतः निमित्त मुख्यसचिवको जिम्मेवारी पाउनु भएको हो ।