काठमाडौँ । म्यानमारमा बाढीमा  हजारौँ बासिन्दा घरभित्रै फसेका छन् । 

उत्तरी म्यानमामा बाढीका कारण हजारौँ बासिन्दा घरभित्रै फसेका र बिजुली र फोन लाइन काटिएको स्थानीय सञ्चारमध्यमले मङ्गलबार जनाएको छ । राज्य मौसम कार्यालयले थप भारी वर्षा हुने जनाएको छ। 

राज्य सञ्चारमाध्यमले उत्तरी काचिन राज्यको शहर माइटकिनामा केही दिनको भारी वर्षाका कारण अय्यारवाडी नदीमा आएको बाढीले खतरा बढेको बताएको छ । 

‘पानीको स्तर तीव्र रुपमा बढिरहेको छ। धेरै बासिन्दा अझै पनि आफ्नो घरभित्र फसेका छन् । शहर मा इन्धनको अभाव छ र उद्धारकर्ताले मोटर डुङ्गाबाट मानिससम्म पुग्न धेरै कठिनाइको सामना गरिरहेका छन्’ माइटकाइनाका एक बासिन्दाले आइतबारदेखि बिजुली र फोन नेटवर्क बन्द भएको बताउनुभयो ।

स्थानीय सञ्चारमाध्यमले प्रदर्शन गरेको तस्बिरमा बाढीका कारण डुबानमा परेका भवन र टाउकोमाथि आफ्नो सामान बोकेर बसेको ठाउँभन्दा अन्यत्रै गइरहेका बासिन्दाको दयनीय अवस्था देखाइएको छ । 

वर्षाको मौसममा सामान्यतया दक्षिणपूर्वी एशियाली देशमा महिनौँसम्म भारी वर्षा निम्त्याउछ  तर मानव निर्मित जलवायु परिवर्तनले मौसमको ढाँचालाई अझ तीब्र बनाएको वैज्ञानिकहरूले बताएका छन् ।