काठमाडौँ  ।  माल्दिभ्सका वातावरण, जलवायु परिवर्तन तथा ऊर्जा राज्यमन्त्री फतिमथ शामनाज अली सलिम पक्राउ परेका छन् । 

जलवायुमन्त्री सलिमलाई राष्ट्पतिलाई ‘कालो जादू’ गरेको आरोपमा प्रहरीले पक्राउ गरेको अधिकारीले बताएका छन् । ऊर्जा राज्यमन्त्री सलिमलाई अन्य दुईजनासहित राजधानी मालेमा आइतबार पक्राउ गरिएको प्रहरीले जनाएको छ ।  ‘सलिमलाई अनुसन्धानका लागि एक साता हिरासतमा राख्न अनुमति दिइएको छ’ नाम उल्लेख नगर्ने शर्तमा ती अधिकारीले बताए । 

‘राष्ट्रपति डा मोहम्मद मुइजुमाथि कालो जादू गरेको आरोपमा शामनाजलाई पक्राउ गरिएको खबर आएको छ’ स्थानीय अनलाइन आउटलेट (सञ्चार माध्यम)  द सनले जानकारी गराएको छ । 

मुस्लिम बहुल माल्दिभ्सको फौजदारी संहिता अन्तर्गत जादूटूना अपराध उल्लेख नभएपनि इस्लामिक कानुनअनुसार यो कार्यका लागि ६ महिनासम्मको जेल सजाय हुनेछ ।