काठमाडौँ । पश्चिमी अफगानिस्तानको हेरात प्रान्तमा  एक वर्ष भन्दा कम समयमा ४।५ मिलियन अमेरिकी डलर लगानीका १ सय ५० वटा कृषि तथा पूर्वाधार परियोजनाको निर्माण कार्य शुरु भएको एक स्थानीय अधिकारीले बताएका छन् ।

परियोजनामा जलाशय बाँध, सडक, सुरक्षात्मक पर्खाल र पानी नहरहरू, साथै प्रान्तको एन्जेल, गुजारा र जेन्डाजन जिल्लाका छेउछाउका कुवा समावेश रहेको हेरातको प्रान्तीय सरकारका प्रवक्ता निसार अहमद इल्यासले बताउनु भयो । 

सार्वजनिक उपयोगिताका परियोजना कार्यान्वयन गरेर छ हजार गाउँलेका लागि रोजगारीको अवसर सिर्जना गरिएको इल्यासले भन्नु भयो । स्थानीय अधिकारीहरूले प्रान्तमा सन्तुलित विकास, रोजगारी सिर्जना र जनताको जीविकोपार्जन सुधारमा ध्यान दिएका छन् ।

अफगान कार्यवाहक सरकारले आर्थिक चुनौति सामना गर्ने र रोजगारीका अवसर सिर्जना गर्ने उद्देश्यले युद्धग्रस्त देशभरि थप कृषि र पूर्वाधार परियोजना शुरु गर्ने योजना बनाएको छ । रासस