नेपालकैरन
काठमाडौँ । आइसिसी टी-२० विश्वकपमा वेस्ट इण्डिजले अमेरिकामाथि सानदार जित निकालेको छ। शनिबार भएको सुपर आठ अन्तर्गतको खेलमा वेस्ट इण्डिजले ५५ बल बाँकी छँदै अमेरिकालाई ९ विकेटले पराजित गरेको हो ।
अमेरिकाले दिएको १२९ रनको लक्ष्य वेस्ट इण्डिजले १०.५ ओभरमा १ विकेट मात्रै गुमाएर पूरा गरेको हो। वेस्ट इण्डिजका ओपनर शाइ होप ८२ रन बनाएर नट आउट रहे । उनले ३९ बलमा ४ चौका र ८ छक्का हाने।
निकोलस पूरन २७ रन बनाएर नट आउट रहे। उनले १२ बलमा १ चौका र ३ छक्का हाने। १४ बलमा २ चौका हानेर १५ रन बनाएका जोनसन चार्ल्स अमेरिकाका हर्मित सिंहको बलमा मिलिन्ड कुमारबाट क्याच आउट भएका थिए।
पहिले ब्याटिङ गरेको अमेरिका १९.५ ओभरमा अल आउट हुँदै १२८ रन जोडेको थियो।
त्यस क्रममा एन्ड्रेस गोसले बनाएको २९ रन सर्वाधिक रह्यो। नितिश कुमारले २०, मिलिन्डकुमारले १९ रन बनाए। अन्य ब्याटरले सन्तोषजनक प्रदर्शन गर्न सकेनन्।
बलिङतर्फ वेस्ट इण्डिजका आन्द्रे रसेल र रोस्टन चेसले ३/३ विकेट लिए भने अल्जारी जोसेफले २ र गुडकेश मोटीले १ विकेट लिए।
जितसँगै सुपर आठको समूह दुईमा रहेको वेस्ट इण्डिज दोस्रो स्थानमा उक्लिएको छ। वेस्ट इण्डिजले अब सुपर आठको अन्तिम खेल दक्षिण अफ्रिकासँग खेल्नेछ।
सुपर आठमा अमेरिकाको यो लगातार दोस्रो हार हो । यसअघि दक्षिण अफ्रिकासँग पराजित भएको अमेरिकाको सेमिफाइन सम्भावना क्षीण बनेको छ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै