तनहुँ । चालु आर्थिक वर्ष सकिन लाग्दा तनहुँमा पुँजीगततर्फको बजेट आधा मात्रै खर्च भएको छ । आर्थिक वर्ष सकिन एक महिना बाँकी रहँदा वर्षभरिका लागि छुट्याइएको पुँजीगत बजेट आधा खर्च भएको हो । 

चालु आवको ११ महिना अर्थात् जेठ मसान्तसम्ममा विनियोजित बजेटको ५० दशमलव १८ प्रतिशत मात्रै खर्च भएको कोष तथा लेखा नियन्त्रकको कार्यालयले जनाएको छ । सङ्घबाट प्राप्त ३ अर्ब ८१ करोड २४ लाख १४ हजार ८ सय २९ रुपैयाँमा ११ महिना अवधिमा ४६ दशमलव ५७ प्रतिशत खर्च भएको कोलेनिकाका कोष नियन्त्रक विनोद भट्टराईले जानकारी दिनुभएको छ । 

भट्टराईका अनुसार चालुतर्फ ८२ दशमलव ३० प्रतिशत बजेट खर्च भएको छ । चालुतर्फ ९ अर्ब १६ करोड १४ लाख ६७ हजार ६ सय १३ रुपैयाँ विनियोजन भएकामा ्७ अर्ब ५४ करोड ३ हजार ४  रुपैयाँ खर्च भएको छ । गण्डकी प्रदेश सरकारमार्फत विनियोजित विकास बजेट सङ्घको भन्दा नौ प्रतिशत बढी खर्च भएको छ । 

प्रदेशको पुँजीगततर्फ ५५ दशमलव ४८  प्रतिशत बजेट खर्च भएको छ । पुँजीगततर्फ २ अर्ब ६० करोड ३७ लाख ६ हजार रुपैयाँ विनियोजन भएकामा१ अर्ब ४४ करोड ४५ लाख ४१ हजार ३ सय १४ रुपैयाँ खर्च भएको कार्यालयले जनाएको छ । 

प्रदेशमा चालुतर्फ  ८६ करोड ५८ लाख २९ हजार ९ सय ८० विनियोजन भएकामा  ४७ करोड ५८ लाख ५४ हजार ६  सय ३२ अर्थात् ५४ दशमलव ९६ प्रतिशत बजेट खर्च भएको छ । योजना छनोट गरेर लागू गरेपछि शुरुको त्रैमासिकमा बोलपत्र प्रक्रिया हुने, त्यसपछि बोलपत्र प्रक्रिया पूरा भएर काम शुरु गर्न ३ महिना लगाउने र कामको रफ्तार नबढाउने लगायतका कारणले विकास बजेटको खर्च न्यून देखिएको कोष नियन्त्रक भट्टराईले बताउनुभयो । 

कार्यालयका अनुसार ११ महिनामा सङ्घ र प्रदेशको गरी ५० दशमलव १८ प्रतिशत विकास ९पुँजीगत० बजेट खर्च भएको छ । पुँजीगत बजेट ६ अर्ब ४१  करोड ६१ लाख २० हजार ८ सय २९ मा ३ अर्ब २१ करोड ९८ लाख ७३ हजार ८ सय ६० रुर्पयाँ खर्च भएको छ ।  चालुतर्फ भने ७९ दशमलव ९४ प्रतिशत खर्च भएको छ । चालु तर्फ १ण् अर्ब २  करोड ७२ लाख ९७ हजार ५ सय ९३  रुपैयाँँ विनियोजन भएकामा ८ अर्ब १ करोड ५८ लाख ५८ हजार १ सय ४ रुपैयाँ अर्थात् ७९ दशमलव ९४ प्रतिशत खर्च भएको कार्यालयले जनाएको छ ।