बाँके  । बाँकेको राप्तीसोनारीमा टिपरले मोटरसाइकललाई ठक्कर दिँदा एक जनाको मृत्यु भएको छ । 

राप्तीसोनारी ९ स्थित पूर्वपश्चिम राजमार्गमा बिहीबार राति  भे १ ख ३०१९ नम्बरको टिपरले  भे १० प १४१३ नम्बरको मोटरसाइकललाई ठक्कर दिएको हो । दुर्घटनामा दुघराप्तीसोनारी–८ निवासी ३६ वर्षीय लोकेन्द्रबहादुर विष्टको मृत्यु भएको छ । 

दुर्घटना लगत्तै मृतकका परिवार र स्थानीयले दोषीलाई कडा कारबाही हुनुपर्ने माग गर्दै टिपर आगजनी गर्दै पूर्वपश्चिम राजमार्गको कोहलपुर सडकखण्ड अवरुद्ध पारेका  छन्  । पीडित पक्षसँग छलफल भइरहेको बाँकेका प्रहरी नायव उपरीक्षक नारायण डाँगीले जानकारी दिनुभएको छ ।

प्रहरी नायव उपरीक्षक डाँगीका अनुसार  राजमार्ग सञ्चालन नभए पनि हुलाकी राजमार्गबाट सवारी आवागमन भइरहेको जनाएको छ । प्रहरीले सवारीसाधन चालकको पहिचान भएको र उनलाई सम्पर्कमा ल्याउने कोशिस भएको बताइएको छ ।