काठमाडौँ । प्रतिनिधिसभाको आजको बैठकमा अधिकांश सांसदहरु निदाएका छन् । 

प्रतिनिधिसभामा आज पनि ‘विनियोजन विधेयक, २०८१’ अन्तर्गत विभिन्न चार मन्त्रालयका विनियोजित रकम माथि छलफल भइरहेको छ ।  विनियोजित रकम माथि छलफल चलिरहँदा बैठकमा सहभागी विभिन्न दलका अधिकाँश सांसदहरु उँघिरहेका छन् । 

आजको बैठकमा शहरी विकास मन्त्रालय, रक्षा मन्त्रालय, महिला, बालबालिका तथा ज्येष्ठ नागरिक मन्त्रालय र कानुन, न्याय तथा संसदीय मामिला मन्त्रालयका शीर्षकको खर्च रकममा छलफल भएको हो । 

ती मन्त्रालयका उल्लिखित रकम घटाइयोस् भनी विभिन्न छजना सांसदले राख्नुभएको खर्च कटौतीका प्रस्ताव बहुमतले अस्वीकृत भएका थिए । 

प्रस्ताव राख्ने सांसद्हरुमा प्रेम सुवाल, डा रमेश अम्रेसकुमार सिंह, अजरकुमार चौरासिया, राजेन्द्रकुमार केसी, सुरेन्द्रराज आचार्य र जीवन परियार हुनुहुन्थ्यो ।