धनगढी । प्राकृतिक विपद्को बेला गरिने उद्धारको नमूना अभ्यास गर्ने क्रममा बझाङमा सशस्त्र प्रहरी जवानको मृत्यु भएको छ । नमूना अभ्यास गर्ने क्रममा सशस्त्र जवान केदास्यु गाउँपालिका-७ का २९ वर्षीय नरेन्द्रसिंह धामीको मृत्यु भएको हो । 

सोमबार बिहान जयपृथ्वीबहादुर नगरपालिका स्थित सेती नदीमा नेपाली सेनाको वीरभद्रजंग गुल्म नजिकै प्राकृतिक विपद् उद्धारसम्बन्धी नमूना अभ्यास गर्ने क्रममा धामी बेहोस हुनुभएकाृे थियो । उपचारका लागि जिल्ला अस्पताल पुर्‍याइएपनि चिकित्सकले मृत घोषणा गरेको बझाङका प्रमुख प्रहरी नायब उपरीक्षक (डीएसपी) भरत शाहले जानकारी दिनुभएको छ ।

धामी सशस्त्र प्रहरीको अनआश्रित गुल्म बझाङमा कार्यरत हुनुहुन्थ्यो । सशस्त्र प्रहरी र नेपाली सेनाले संयुक्त रूपमा प्राकृतिक विपद्का बेला बाढीमा फसेका सर्वसाधारणको उद्धारसम्बन्धी नमूना अभ्यास गराइरहेको थियो ।

सशस्त्र प्रहरी प्रवक्ता कुमार न्यौपानेका अनुसार धामी विपद् व्यवस्थापनमा अनुभवी उद्धारकर्ता हुनुहुन्थ्यो ।