नेपालकैरन
सिन्धुपाल्चोक। काठमाडौँबाट (याफ्टिङका लागि अरनिको राजमार्गस्थित सिन्धुपाल्चोकको सुकुटेमा आइपुग्नुभएको ज्योति श्रेष्ठले जीवनकै महत्वपूर्ण मज्जा अनुभव गर्नुभयो ।
विश्वकै उत्कृष्ट दशौँ गन्तव्यभित्र पर्ने सिन्धुपाल्चोकको सुनकोसी नदीमा शनिबार र्याफ्टिङ गर्न उहाँसहित १३ जनाको जम्बो समूह शुक्रबार नै आइपुग्यो । ‘हामीले सुनेका मात्रै थियौँ, र्याफ्टिङको मज्जा आफैँले लिन पायौँ’ उत्साहित हुँदै ज्योतिले भन्नुभयो– ‘शनिबार चाप धेरै हुन्छ भन्ने सुनेर नपाइएला भन्ने निकै डर थियो ।’ उहाँले कलेज छुट्टीको दिन मिलाएर अन्य साथीसँग फेरि आउने सोच अहिले नै बनाइसकेको बताउनुभयो ।
‘यति रमाइलो हुन्छ भन्ने आफैँले र्यफ्टिङ गरेपछि थाहा भयो, साथीहरु सबैलाई अनुभवबारे ‘शेयर’ गर्छौं अनि यहाँ आउनलाई प्रेरित गर्छौं’ (याफ्टिङपछि ज्योतिसँगै उभिनुभएका उहाँका साथी शैलेश श्रेष्ठले भन्नुभयो । जीवनकै लागि नौलो र खतरापूर्ण खेल भएकाले यो समूह केही डराएको भने थियो । ठाडो खोलामा बगिरहेको पानीसँग खासै परिचित नभएकाले शुरुमै मुटुको गति बढेको अनुभव भएको श्रेष्ठ बताउनुहुन्छ ।
‘जब र्याफ्टिङ खोलाको पानीसँगै बग्न थाल्यो, मनमा डरको गति पनि झनै बढ्यो’ उहाँले आफ्नो अनुभव सुनाउनुभयो– ‘कहिलेकाहीँ आँखा चिम्लनु समेत परेपछि भने बेक्कार गरिएछ भन्ने पनि लाग्यो ।’ उहाँले साथीहरु पानीमा रमाउँदै कराउँदै गर्न थालेपछि भने बल्ल रमाइलो अनुभव भएको सुनाउनुभयो । ‘पछि डर भुलियो, अर्कै संसारमा डुबुल्की मारिरहेको जस्तै लाग्यो’ उहाँले भन्नुभयो ।
उहाँहरु जस्तै भक्तपुरबाट आउनुभएको रोजिना श्रेष्ठले ‘कोर्पेटिभ’ टिम लिएर -याफ्टिङको आनन्द लिन आएको सुनाउनुभयो । ‘विदेशीसहित हाम्रो ५० जनाको टोली छ’ उहाँले भन्नुभयो– ‘अब गर्मी शुरु भयो, यसकै लागि बिदाको समय मिलाएर समूह बनेर आयौँ ।’
शुक्रबार र शनिबार यहाँका रिसोर्ट भरिने गरेकाले पहिल्यै बुक गरेर आएको उहाँ सुनाउनुहुन्छ । रोजिनाले यसअघि पनि र्याफ्टिङ गरिसक्नुभएको थियो । त्यति बेलाको मज्जा सम्झँदै उहाँ फेरि सुनकोसी आइपुग्नुभएको हो । ‘पहिला धित नै मरेन, त्यसैले फेरि आएँ’ उहाँ भन्नुहुन्छ ।
सुकुटेमा गर्मी बढेसँगै साहसिक खेल र्याफ्टिङमा रमाउने आन्तरिक तथा बाह्य पर्यटक अहिले ह्वात्तै बढेका छन् । गएको फागुनदेखि पर्यटकको चाप बढेको रिसोर्ट सञ्चालकहरु बताउँछन् । पछिल्लो सातादेखि अत्यधिक गर्मी बढेका कारण -याफ्टिङ गर्ने पर्यटकमा वृद्धि भएको हो ।
साहसिक खेल र्याफ्टिङ र क्यानोनिङ गर्ने पर्यटकको सङ्ख्या दैनिक बढिरहेकाले यहाँका सबै रिसोर्ट व्यस्त भएको सुकुटेबिच एड्भेन्जर रिसोर्टका सञ्चालक महेन्द्रसिंह थापा बताउनुहुन्छ । ‘दैनिक एक सयभन्दा बढी आन्तरिक र बाह्य पर्यटक आउने गरेका छन्’ थापा भन्नुहुन्छ– ‘यो समय र्याफ्टिङको याम भएकाले अब चाप झनै बढ्ने अनुमान छ ।’
याफ्टिङकै लागि सिन्धुपाल्चोकमा साता दिनमा कम्तीमा दुई हजार पर्यटक भित्रिने गरेका छन् । राजधानीदेखि युरोप, अमेरिकाजस्ता बाह्य मुलुकबाट आउने पर्यटकको लक्ष्य भोटेकोसी र सुनकोसीमा -याफ्टिङ गर्ने हुने गरेको छ ।
पर्यटक बढेसँगै सिन्धुपाल्चोक र काभ्रेको सीमा गाउँ बन्देउदेखि रिसोर्टको सङ्ख्यामा समेत वृद्धि भएको छ । सुनकोशी र भोटेकोशी किनारामा र्याफ्टिङ सञ्चालन गर्ने रिसोर्ट बढेका छन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- राष्ट्र बैंकको गभर्नरमा डा. विश्वनाथ पौडेल नियुक्त
- भीमफेदीमा गाडी दुर्घटना हुँदा १४ घाइते, तीन जना गम्भीर
- आज ४ बजे गभर्नर सिफारिस समितिको बैठक बस्दै, ५ बजे मन्त्रिपरिषद बैठक
- ‘प्रधानमन्त्रीलाई हेलिकप्टरमा भाग्न छुट दिन्छौं’
- प्रतिनिधि सभाबाट दशरथ चन्द विश्वविद्यालय विधेयक पारित
- रवि लामिछानेको बन्दीप्रत्यक्षीकरण रिटमा आज सुनुवाइ हुँदै
- यूएईलाई हराउँदै नेपाल महिला विश्वकप छनोटको ग्लोबल क्वालिफायरमा
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति