सङ्खुवासभा । सदरमुकाम खाँदबारीमा कोशी प्रदेशस्तरीय ब्याडमिन्टन प्रतियोगिता हुने भएको छ ।

‘स्वास्थ्यका लागि खेलकुद, राष्ट्रका लागि खेलकुद’ भन्ने नाराका साथ प्रदेशस्तरीय खुल्ला पुरुष ब्याडमिन्टन प्रतियोगिता हुने भएको हो । जिल्ला ब्याडमिन्टन सङ्घले  आज खाँदबारीमा पत्रकार सम्मेलन गरी प्रदेशस्तरीय पुरुष डबल र भेट्रान्स ब्याडमिन्टन प्रतियोगिता हुने जानकारी दिएको हो । 

प्रतियोगिता असार ६ देखि ८ गतेसम्म हुने जिल्ला ब्याडमिन्टन सङ्घका अध्यक्ष राजु श्रेष्ठले जानकारी दिनुभएको छ । प्रतियोगितामा प्रथम हुने पुरुष डबलतर्फ  ६०, ६० हजार रुपैयाँ मेडल र प्रमाणपत्र, दोस्रो हुनेलाई  ३५र३५ हजार रुपैयाँ मेडल र प्रमाणपत्र तथा तेस्रो हुनेलाई  १०र१० हजार मेडल र प्रमाणपत्र प्रदान गरिने छ । त्यस्तैगरी, भेट्रान्सतर्फ  ५०र५०  हजार मेडल र प्रमाणपत्र, दोस्रो हुनेलाई  ३०र३० हजार मेडल र प्रमाणपत्र तथा तेस्रो हुनेलाई ७ हजार पाँच सय रुपैयाँ, मेडल र प्रमाणपत्र प्रदान गरिने अध्यक्ष श्रेष्ठले जानकारी दिनुभयो । 

ब्याडमिन्टन प्रतियोगिता खाँदबारी(१ घिमिरे गाउँस्थित सोमनाथ घिमिरे मेमोरियल इन्डो स्टेडियममा हुने आयोजकले जनाएको छ । प्रतियोगितामा कोशी प्रदेश, भारत र विभिन्न प्रदेशका टोलीको सहभागिता रहने आयोजकले जनाएको छ । प्रतियोगितामा करिब  १० लाख रुपैयाँ खर्च हुने अनुमान गरिएको छ ।