मकवानपुर । बागमती प्रदेशसभाको सर्वदलीय बैठक आह्वान गरिएको छ । 

प्रदेशसभा सचिवालयले  वैशाख २१ गते दिउँसो १ बजे सर्वदलीय बैठक आह्वान गरेको हो । बागमती प्रदेशसभाका सभामुख भुवनकुमार पाठकले सर्वदलीय बैठकमा प्रदेशसभामा रहेको विभिन्न ५ वटा समितिको अध्यक्षको निर्वाचन र   आगामी आर्थिक वर्ष २०८१/८२ का लागि बजेट छलफल गर्ने क्रममा अधिवेशन आह्वान विषयमा छलफल हुने जानकारी दिनुभएको छ । 

संसदमा रहेका संसदीय दलका नेता र प्रमुख सचेतकलाई  बैठकमा सहभागी हुन आफूले सूचना प्रवाह गरिसकेको उहाँले बताउनुभएको छ । उहाँले संसदको आगामी अधिवेशनका विषयमा पनि  सर्वदलीय बैठकमा छलफल हुने जानकारी दिनुभयो ।  

प्रदेशसभाको गत चैत १९ गते बसेको बैठकले मुख्यमन्त्री शालिकराम जम्कट्टेलले तेस्रो पटक विश्वासको मत लिइसकेपछि  वैशाख १२ प्रदेशसभाको चालु १३औँ अधिवेशन अन्त्य गरिएको थियो ।