नवलपरासी । नवलपरासीको पाल्हीनन्दन गाउँपालिका—६ का आगलागी पीडित एघार परिवारलाई नगद राहत दिइने भएको छ । 

गत शुुक्रबार दिउँसो लागेको आगलागीबाट घरबारविहीन भएका परिवारलाई नगद राहत दिने निर्णय भएको गाउँपालिकाका प्रमुख प्रशासकीय अधिकृत बुद्धप्रकाश पौडेलले जानकारी दिनुभयो । उहाँका अनुसार घर जलेर पूर्णक्षति भएकापरिवारलाई प्रतिपरिवार  ७० हजार, आंशिक क्षति भएकालाई  ४० हजार रुपैयाँ र कम क्षति भएकालाई अवस्था हेरेर नगद राहत उपलब्ध गराइने निर्णयभएको छ । 

एउटा पसलमा लागेको आगो अन्य घरमा सल्किएको थियो । आगलागीबाट चार घरमा पूर्ण क्षति भएका र अन्य घरमा पनि क्षति पुगेको पालिकाको वडा नम्बर ६ निवासी चन्ना धोवीले बबताउनुभयो ।   नवलपरासीका प्रमुख जिल्ला अधिकारी सुरेश पन्थीले आगलागीबाट क्षति भएका परिवारलाई उचित राहतका लागि पहल भइरहेको बताउनुभयो ।