काठमाडौँ । इन्डियन प्रिमियर लिगमा लखनउ सुपर जायन्ट्सले गुजरात टाइटन्सलाई पराजित गरेको छ । गएराति सम्पन्न खेलमा लखनउले गुजरातलाई ३३ रनले पराजित गरेको हो ।

एकना क्रिकेट स्टेडियम, लखनउमा टस जितेर ब्याटिङ थालेको घरेलु टोलीले २० ओभरमा ५ विकेट गुमाउँदै १ सय ६३ रन बनायो । लखनउका लागि कप्तान केएल राहुलले ३३ रनको योगदान दिए । मार्कस स्टोइनिसले सर्वाधिक ५८ रन बनाए । आयुष बडोनीले २० रन जोडे । निकोलस पुरन ३२ रनमा अविजित रहे । उमेश यादव र दर्शन नलकन्डेले २-२ विकेट लिए । 

जवाफमा १ सय ६४ रनको लक्ष्य पछ्याएको गुजरात ११ बलअघि नै १ सय ३० रनमा  समेटियो । कप्तान शुभमन गिल १९ रनमा आउट भए । साई सुदर्शन सर्वाधिक ३१ रन  बनाए ।  राहुल तेवातियाले ३० रन जोडे । लखनउका यश दयाल एक्लैले ५ विकेट लिए । क्रुनाल पान्ड्याको नममा ३ विकेट रह्यो । 

लखनउ ४ खेलमा ३ जितसहित तालिकाको तेस्रो स्थानमा छ भने गुजरात ५ खेलमा २ जितेसहित सातौं स्थानमा छ । 

हिजै सम्पन्न अर्को खेलमा मुम्बई इन्डियन्सले दिल्ली क्यापिटल्सलाई २९ रनले हराउँदै प्रतियोगितामा पहिलो जित हात पार्‍यो । 

आज आईपीएलमा चेन्नई सुपर किंग्स र कोलकाता नाइट राइडर्सबीच प्रतिस्पर्धा हुनेछ ।