नेपालकैरन
सप्तरी । हनुमाननगर कङ्कालिनी नगरपालिका–५ योगिनियाँमा ३५ कोठाको चार तले पशु अस्पताल भवनको निर्माण शुरु गरिएको छ ।
करिब ९ करोड ९३ लाख रुपैयाँ लागतमा निर्माण हुने भवनको कञ्चन कन्सट्रक्सन सातदोबाटो, ललितपुरले ठेक्का लिएको छ । कन्सट्रक्सनले दुई वर्षभित्र निर्माण सम्पन्न गर्ने जिम्मेवारी प्राप्त गरेको हनमानगर कङ्कालिनी नगरपालिकाले जनाएको छ ।
चार तले ३५ कोठे भवनमा पशुसम्बन्धी हरेक रोगको उपचार गर्ने लक्ष्य राखिएको नगरपालिकाका प्रमुख वीरेन्द्र माझीले जानकारी दिनुभएको छ ।
उहाँका अनुसार समपूरक योजना अन्तर्गत ५० प्रतिशत सङ्घीय सरकार र ५० प्रतिशत बजेट नगरपालिकाले बेहोर्नेछ । अस्पताल भवनको राष्ट्रिय योजना आयोगका पूर्वसदस्य डा जयकान्त राउतले शिलान्यास गर्नुभएको थियो ।
कोशी नदीको समिपता, पर्याप्त चरणको उपलब्धता, पक्षीजन्य जीवनको आधार, मधेस प्रदेशको प्रवेश एवं निकास तथा भारत–नेपालको सीमा भन्सारका कारण यस नगरमा पशुपक्षीको व्यावसायिक पालन र स्वरोजगारको माध्यमबाट आर्थिक, सामाजिक एवं सुखद जनजीवनको पर्याप्त सम्भावना देखिएको छ ।
भवन निर्माण र सेवा प्रवाहपछि गाईगोरु र भैँसी बिरामी परेका बेला सदरमुकाम राजविराज धाउनुपर्ने अवस्था अन्त्य हुने स्थानीय अकाश यादवको भनाइ छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- ९७ वर्षीया वृद्धाको स्तन क्यान्सरको सफल शल्यक्रिया
- भेरी करिडोरको तल्नुबगर ‘बेलिब्रिज’ सञ्चालन
- संसदीय छानबिन समिति गठन गर्न दलहरु सहमत
- प्रदेशसभा बैठकः विशेषाधिकार समिति गठन
- चार एसएसपीलाई डिआइजीमा बढुवा सिफारिस
- सदनको अवरोध अन्त्यका लागि आज पनि शीर्ष नेताबीच छलफल
- मकवानपुरमा सवारी दुर्घटना, दुईजनाको मृत्यु, एक घाइते
- वाग्मती सफाइ अभियानमा छ हजार बिरुवा रोपिए
- कोशी प्रदेश मन्त्रिमण्डल विस्तार : पाँच मन्त्री एवं दुई राज्यमन्त्री थप
- पहिलो पटक टिपताला पुगे नेपालतर्फका स्काभेटर र ट्याक्टर