नेपालकैरन
हुम्ला । सर्केगाड गाउँपालिका–१ कर्णाली करिडोरको कच्ची सडकका कारण यात्रुले सधैँ सास्ती खेप्नुपरेको छ ।
हिउँदयाममा सुक्खा पहिरो र वर्षायाममा पहिरो जाँदा त्यो सडकखण्डमा यात्रुले समस्या भोग्दै आएका छन् ।
नेपालगञ्ज, सुर्खेत लगायतका शहरबाट ठूला मालबाहक ट्रकदेखि यात्रु बोकेका सवारीसाधन दैनिक ओहरदोहर गरिरहन्छन् । कच्ची सडकका कारण सवारीसाधन दिनहुँ बिग्रदा पनि थप सास्ती हुने गरेको छ । धुलाम्मे सडकका कारण हुम्लाबाट कालीकोटसम्मको यात्रामा यात्रुले बडीजसो सास्ती खेप्नु परिरहेको यात्रु रमिता शाहीले बताउनुभयो ।
कर्णाली करिडोरको हुम्लादेखि खुलालुसम्मको १३२ किलोमिटर सडकमा बढी समस्या हुने गरेको छ । कतिपय क्षेत्रमा ढुङ्गा बिछ्याएर सवारीसाधन सञ्चालनमा ल्याउनुपर्ने अवस्था छ । यो क्षेत्रमा खाना बस्नसमेत समस्या हुनेगरेको छ ।
नेपालगञ्जबाट सिमकोट पुग्नुभएकी बाँचु महतले भन्नुभयो– ‘कतै सुक्खा पहिरो खस्ने त कतै धुलाम्मे सडकले यात्रा कठिन भयो । केही ठाउँमा सडक फराकिलो भए पनि अधिकांश ठाउँमा यातायातका साधन ओहरदोहर गर्न समस्या छ ।’
कालीकोटको सान्नी घाट, रास्कोट, बाजुराको जगन्नाथ गाउँपालिका क्षेत्रको धुलाम्मे सडकमा यातायातका साधनलाई वारपार गर्न समस्या हुँदा यात्रुहरु मिलेर धुलो पन्छाउने र ढुङ्गा बिछ्याउने कार्य गरेर यात्रा गर्ने गरेका छन् ।
यहाँ सडक स्तरोन्नति गर्न जरुरी छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै