काठमाडौँ । काठमाडौँबाट भारतको दिल्ली उड्न लागेको एयर इन्डियाको जहाजमा बम रहेको भन्ने सूचना भ्रामक रहेको खुलेको छ। नागरिक उड्डयन प्राधिकरणका सूचना अधिकारी ज्ञानेन्द्र भूलले एयर इन्डियाको २१५ नम्बरको जहाजमा बम राखिएको भन्ने सूचना भ्रामक रहेको बताउनुभयो । 

‘अहिले स्थिति सामान्य नै छ, सर्च गर्दा केही भेटिएन। अहिले जहाजमा यात्रुहरू चढाउन थालिएको छ। उडान हुँदा साँझ ६ बज्छ होला,’ उहाँले भन्नुभयो । सोमबार ९आज० उक्त जहाज काठमाडौँमा अवतरण भएपछि भारतबाट जहाजमा बम राखिएको सूचना आएको थियो।


दिल्ली उडान गर्न यात्रुहरू चढाइसकेपछि एयर इन्डियाको सेक्युरिटी म्यानेजरलाई इन्डियाबाट अपरेशन कन्ट्रोल एन्ड कमान्ड सेन्टर ९ओसिआइआई० बाट बम छ भनेर कल आएको थियो। त्‍यतिञ्जेल १६९ मध्ये ४० जना यात्रु चढिसकेका थिए। 

उक्त सूचना आएसँगै सबै यात्रुलाई ओरालेर नेपाली सेना र नेपाल प्रहरीको टोलीले बमको खोजी गरेको थियो। तर केही नभेटिएपछि पुनः उडान गर्न लागेको हो। जहाज आज अपराह्न ३ः५० बजे दिल्ली उड्ने तयारी थियो।