नेपालकैरन
काठमाडौँ । जनवरी १९ देखि फेब्रुअरी ११ तारिखसम्म आयोजना हुने यु–१९ विश्वकप क्रिकेटमा सहभागिता जनाउन दक्षिण अफ्रिका गएको नेपाली टोलीले आफ्नो अन्तिम तयारी शुरु गरेको छ ।
विश्वकप अघि दक्षिण अफ्रिकामा केही समय तयारी र अभ्यास खेल खेल्न नेपाली टोली शुक्रबार त्यसतर्फ प्रस्थान गरेको थियो । विश्वकपमा लागि क्यानले यसअघिनै देव खनालको कप्तानीमा १५ सदस्यीय यु–१९ विश्वकप टोलीको घोषणा गरिसकेको छ ।
नेपालले विश्वकप अघि नामिबियासँग जनवरी ९ र स्कटल्यान्डसँग जनवरी ११ तारिखमा दुई वटा प्रशिक्षण खेल खेल्नेछ । नेपालले जनवरी १३ तारिख स्कटल्याण्ड र १६ तारिखमा वेस्ट इन्डिजसँग अन्तर्राष्ट्रिय क्रिकेट परिषद् (आइसीसी) ले व्यवस्थापन गरेको अभ्यास खेल खेल्ने पनि तय भएको छ ।
विश्वकपमा नेपाल समूह ‘डी’ मा रहेको छ । नेपालको समूहमा न्यूजिल्यान्ड, पाकिस्तान र अफगानिस्तान रहेका छन् । नेपालले जनवरी २१ मा न्यूजिल्यान्डसँग खेल्दै विश्वकपको सुरुवात गर्नेछ । नेपालले दोस्रो खेल जनवरी २४ मा पाकिस्तान र अन्तिम खेल २६ तारिखमा अफगानिस्तानसँग खेल्नेछ । सहभागी १६ टोलीलाई चार समूहमा विभाजन गरिएको हो ।
नेपाली यु–१९ टोली
देव खनाल ९कप्तान०, अर्जुन कुमाल, आकाश त्रिपाठी, दीपकप्रसाद डुम्रे, दुर्गेश गुप्ता, गुलशन झा, दीपेश कँडेल, विशाल विक्रम केसी, सुवास भण्डारी, दीपक बोहोरा, उत्तम थापामगर, विपिन रावल, दिपक बोहोरा, तिलकराज भण्डारी र आकाश चन्द ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- कैलाश–मानसरोवरसम्मको अविस्मरणीय यात्रा
- वीरगञ्जमा हैजा फैलियो, विद्यालय २ दिनलाई बन्द
- उपराष्ट्रपति यादव र भियतनामकी समकक्षी सुआनबीच भेटवार्ता
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति
- च्यासलले सदस्यता खोसे पनि एमालेमै संघर्ष गरिरहन्छु : पूर्वराष्ट्रपति भण्डारी
- ओलीको राजनीतिक विचार मदन भण्डारी फाउण्डेशनसँग जोडिएको छ : ईश्वर पोखरेल