काठमाडौँ। नेकपा एमाले अध्यक्ष केपी शर्मा ओलीको  प्रधानमन्त्री नियुक्ति कानुनसम्मत नभएको भन्दै सर्वोच्च अदालतमा रिट परेको छ ।

एमाले अध्यक्ष ओली प्रधानमन्त्री नियुक्त भएर शपथ लिएपछि त्यसलाई बदर गर्न माग गर्दै सर्वोच्चमा आजै रिट परेको हो ।  ओलीलाई प्रधानमन्त्री नियुक्तविरुद्ध अधिवक्ताहरु दीपक अधिकारी, खगेन्द्रप्रसाद चापागाईं र शैलेन्द्रकुमार गुप्ताले रिट दायर गर्नु  भएको हो  । रिटबारे  साउन ६ गते  सुनुवाइ  हुने भएको छ ।

राष्ट्रपति रामचन्द्र पौडेलले एमाले अध्यक्ष ओलीलाई  संविधानको धारा ७६ (२) अनुसार आइतबार प्रधानमन्त्री नियुक्त गर्नु  भएको हो ।  रिटमा यसअघि संविधानको धारा ७६ (२)  अनुसार प्रधानमन्त्री पुष्पकमल दाहाल प्रचण्डले विश्वासको मत नपाएपछि पदमुक्त भएकाले अब धारा ७६ को उपधारा ३ बमोजिम नयाँ सरकार गठन हुनुपर्ने माग गरिएको छ ।