काठमाडौँ । नेकपा एमालेले सरकारमा जाने ८ जना मन्त्रीको टुंगो लगाएको छ। एमालेले पाएका ८ मन्त्रालयमध्ये सोमबार बिहानसम्म  सबै मन्त्रीको टुंगो लागेको हो 

एमाले उपाध्यक्ष विष्णु पौडैल, उपमहासचिव पृथ्वीसुब्बा गुरूङ, दुईजना सचिव योगेश भट्टराई र छविलाल विश्वकर्मा, स्थायी कमिटी सदस्य  कृष्णगोपाल श्रेष्ठ र केन्द्रीय सदस्य विद्या भट्टराईलाई मन्त्री बनाउने तयारी रहेको स्रोतले बताएको छ । 

त्यस्तै केन्द्रीय सदस्य जुली महतो र दामोदार भण्डारीलाई पनि मन्त्री बनाउने तयारी छ। भण्डारी यसअघि पनि मन्त्री हुनुहुन्थ्यो । 

पौडेललाई उपप्रधानमन्त्रीसहित अर्थमन्त्री बनाउने तयारी छ । पौडेल यसअघि २०७२ र २०७४ मा अर्थमन्त्री बन्नुभएको थियो । 

एमालेबाट मन्त्री बन्ने अन्यको मन्त्रालय भने टुंगिसकेको छैन। एमालेले अर्थ, रक्षा, भौतिक पूर्वाधार, संघीय मामिला‍, शिक्षा, भूमि व्यवस्था, सञ्चार तथा सूचना प्रविधि र उद्योग मन्त्रालय पाउने सहमति भएको छ।

प्रधानमन्त्री केपी शर्मा ओलीले बिहान ११ बजे शपथ ग्रहण गर्नेछन्। उहाँको शपथसँगै मन्त्रीहरूको सपथ पनि गराउने तयारी छ।