नेपालकैरन
काठमाडौँ । नेपाल कम्युनिष्ट पार्टी (एमाले) का अध्यक्ष केपी शर्मा ओली आज प्रधानमन्त्री बन्नु हुने भएको छ ।
ओली प्रतिनिधिसभाका दुई ठूला राजनीतिक दल नेपाली कांग्रेस र एमालेको सहकार्यमा प्रधानमन्त्री बन्न लाग्नु भएको हो । राष्ट्रपति कार्यालयले एमाले अध्यक्ष ओलीलाई आजै प्रधानमन्त्री नियुक्ति र शपथको तयारी गरेको छ । राष्ट्रपति कार्यालयले ओलीलाई बेलुकी ५ बजेपछि प्रधानमन्त्री नियुक्त गरेर शपथ गराउने तयारी गरेको छ ।
राष्ट्रपति कार्यालयले नयाँ प्रधानमन्त्रीको शपथको तयारी गर्न मातहतका निकायलाई पत्राचार गरिसकेको छ । राष्ट्रपति कार्यालयका उपसचिव हिमाल गौतमले भद्रकालीस्थित नेपाली सेनाको जंगी अड्डालाई बोधार्थ जनाउँदै प्रधानमन्त्रीको शपथको तयारी गर्न शीतल निवासमा रहेको सुरक्षा तथा समारोह व्यवस्था कार्यालयलाई पत्रचार गर्नुभएको हो ।
प्रधानमन्त्री पुष्पकमल दाहाल ‘प्रचण्ड’ले शुक्रबार प्रतिनिधिसभामा प्रस्तुत गर्नुभएको विश्वासको मतसम्बन्धी प्रस्ताव पारित नभएपछि नयाँ सरकार गठनको प्रक्रिया शुरु भएको हो ।
एमाले अध्यक्ष ओली यसअघि २०७२, २०७४ र २०७८ सालमा गरी ३ पटक प्रधानमन्त्री भइसक्नुभएको छ । लोकतन्त्र प्राप्तिको सङ्घर्षमा लाग्नुभएका उहाँले लामो समय निरङ्कुश पञ्चायती शासन व्यवस्थामा कारबास भोग्नुभएको थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै