तनहुँ ।  व्यास नगरपालिकामा दाउरा निकाल्ने क्रममा  सेती नदीमा बगेर १ जना बेपत्ता भएका छन् ।

व्यास नगरपालिका–१ भादगाउँ का ५५ वर्षका तालबहादुर थापा नदीमा बगेका हुन् । थापा बाढीले बगाएर ल्याएको दाउरा सेतीनदीबाट झिक्ने क्रममा आज बिहान बगेर बेपत्ता भएको जिल्ला प्रहरीले जनाएको छ ।

प्रहरी नायव उपरीक्षक दीपककुमार रायले थापाको खोजी जारी रहेको जानकारी दिनुभएको छ ।  बाढीले बगाएर ल्याएको दाउरा निकाल्न नदी किनार आसपासका  मानिसको भीड लाग्ने गर्दछ ।

पहिराले अवरुद्व पृथ्वीराजमार्ग एकतर्फी सञ्चालन
म्याग्दे गाउँपालिका–६ मौरीओढारमा आज बिहान पहिरा खस्दा अवरुद्व पृथ्वीराजमार्गमा एकतर्फी सञ्चालनमा ल्याइएको छ । अविरल वर्षाका कारण खसेको लेदोसहितको पहिरोले राजमार्ग  अवरुद्व भएको थियो । 

पृथ्वीराजमार्गअन्तर्गत पर्ने बन्दीपुर–५ याम्पा नजिक खसेको पहिरा पन्छाएर एकतर्फी सवारीसाधन सञ्चालनमा ल्याएको प्रहरीले जनाएको छ ।