धादिङ ।  चितवनको फिस्लिङ बजार नजिक कारसँग ठोक्किँदा यात्रुबाहक बस त्रिशूली नदी किनारमा खसेको छ । 

नेपालगञ्जबाट काठमाडौँतर्फ गइरहेको भे १ ख ४०६० नम्बरको यात्रीबस त्रिशूली किनारमा खसेको हो ।  दुर्घटनामा २० जना घाइते भएका छन् । घाइते मध्ये ५ जनाको अवस्था गम्भीर छ । 

काठमाडौँबाट मुग्लिनतर्फ गइरहेको बागमती प्रदेश ०२–०३९ च ३७२० नम्बरको कार एकापसमा ठोक्किँदा बस नदी किनारमा खसेको हो । कारलाई जोगाउन खोज्दा बस नदीमा किनारमा खसेको प्रत्यक्षदर्शीले बताएका छन् । गम्भीर घाइते भएका कारमा सवार सबैलाई उपचारका लागि चितवन पठाइएको गजुरीस्थित ट्राफिक प्रहरी निरीक्षक रवीन्द्रकुमार श्रेष्ठले जानकारी दिनुभएको छ ।

ट्राफिक प्रहरी कार्यालय गजुरीका अनुसार कारमा सवार ५ जना गम्भीर घाइते छन् । बसमा ४५ जना यात्री थिए । सबै यात्रीको अवस्था सामान्य छ ।