पोखरा । दीपक मनाङे भनेर चिनिने राजीव गुरुङ गण्डकी प्रदेशमा छैटौँ पटक मन्त्री  बन्नुभएको छ । हिमाल पारिको जिल्ला मनाङबाट प्रदेशसभा सदस्यमा निर्विरोध हुनुभएका मनाङे विभिन्न पटक फरक फरक गठबन्धनमा सामेल हुँदै  ७ वर्षमा छैटौँ पटक मन्त्री बन्नुभएको हो। 

गुरुङले अहिले भौतिक पूर्वाधार विकास तथा यातायात व्यवस्था मन्त्रालयको जिम्मेवारी पाउनुभएको छ । मनाङेले  फणिन्द्र देवकोटासँगै मंगलबार पद तथा गोपनीयताको शपथ ग्रहण गर्नुभएको छ ।

नेपाल पर्यटन बोर्ड गण्डकी प्रदेशको सभाकक्षमा आयोजित एक समारोहकाबीच गण्डकी प्रदेश प्रमुख डिल्लीराज भट्टले उहाँहरूलाई पद तथा गोपनीयताको शपथग्रहण गराउनुभएको हो ।

नेकपा माओवादी केन्द्रको सहयोगमा प्रदेश सांसद बन्नुभएका देवकोटा सत्ता गठब्नधनमा विद्रोह गर्दै मन्त्री बन्ुभएको हो । उहाँले ऊर्जा, जलस्रोत तथा खानेपानी मन्त्रालयको जिम्मेवारी पाउनुभएको छ । 
.
उहाँहरुको शपथ समारोहमा गण्डकी प्रदेशका मुख्यमन्त्री सुरेन्द्रराज पाण्डे, सभामुख कृष्णप्रसाद धिताल, प्रदेश सरकारका मन्त्री, उच्चपदस्थ अधिकारी लगायतको उपस्थिति थियो ।