काठमाडौँ ।  प्रधानमन्त्री पुष्पकमल दाहाल ‘प्रचण्ड’ आज भारत प्रस्थान गनुभएको छ । 

प्रधानमन्त्री दाहाल तेस्रो पटक भारतको  प्रधानमन्त्रीमा नियुक्त हुनुभएका  नरेन्द्र मोदी शपथग्रहण समारोहमा सहभागी हुन नयाँदिल्ली प्रस्थान गर्नुभएको हो ।

प्रधानमन्त्री दाहाललाई त्रिभुवन अन्तर्राष्ट्रिय विमानस्थलको अतिविशिष्ट कक्षमा सभामुख देवराज घिमिरे, राष्ट्रियसभाका अध्यक्ष नारायण दाहाल, उपप्रधानमन्त्रीद्वय रघुवीर महासेठ र नारायणकाजी श्रेष्ठ, मन्त्रीगण, सांसद, नेपाल सरकारका उच्चपदस्थ अधिकारी, सुरक्षा निकायका प्रमुख लगायतले बिदाइ गर्नुभएको छ । उहाँको बिदाइमा नेपाली सेनाले सम्मान गारत अर्पण गरेको थियो ।     

प्रधानमन्त्रीको भ्रमण टोलीमा कानुन, न्याय तथा संसदीय व्यवस्थामन्त्री पदम गिरी, परराष्ट्र सचिव सेवा लम्साल उच्चपदस्थ सरकारी अधिकारी र छोरी गङ्गा दाहाल लगायत सहभागी हुनुहुन्छ । 

तेस्रो कार्यकालका लागि प्रधानमन्त्री कन्नुभएका  भारतीय जनता पार्टीका नेता मोदीले आज साँझ शपथ लिनुहुने कार्यक्रम छ । शपथ समारोहपछि प्रधानमन्त्री दाहाल र उहाँका समकक्षी मोदीबीच आज साँझ भेटवार्ता हुने कार्यक्रम रहेको नयाँदिल्लीस्थित नेपाली राजदूतावासले जनाएको छ । 

प्रधानमन्त्री दाहाल सोमबार स्वदेश फर्कनुहुने कार्यक्रम छ ।